சுஷ்மிதா சென் நடிப்பில் கடந்த 2020 ஆம் ஆண்டு டிஸ்னி பிளஸ் ஹாட் ஸ்டாரில் வெளியான வெப் தொடர் ‘ஆர்யா’ . இந்த சீரிஸில் சுஷ்மிதா சென்னுடன் முக்கிய கதாபாத்திரத்தில் நடித்தவர் அன்கூர் பாட்யா. இவரது குடும்பத்துடன் நடிகை சுஷ்மிதா சென் தற்போது நேரம் செலவிட்டிருக்கிறார் அந்த புகைப்படங்கள் இணையத்தில் வைரலாகி வருகிறது.
சுஷ்மிதா சென் , அன்கூர் பாட்யாவின் மகன் அபிருடன் நடனமாடி அவருடன் அதிக நேரத்தை செலவிட்டிருக்கிறார். அதனை சுஷ்மிதா பகிர்ந்த புகைப்படம் மற்றும் வீடியோக்கள் வாயிலாக பகிர்ந்திருக்கிறார். மேலும் அபிர் தனது அன்பான தோழன் என குறிப்பிட்டிருக்கிறார்.
சுஷ்மிதா சென்னுக்கு சகோதரனாக ஆர்யா வெப் தொடரில் அன்கூர் நடித்திருந்தார். இவர் சினிமாவை தாண்டி சுஷ்மிதா சென் மீது அதிக அன்பு மற்றும் மரியாதையுடன் இருக்கிறார் என்பது அவ்வபோது இவர் வெளியிடும் புகைப்படங்கள் வாயிலாக பார்க்க முடியும்.இந்த நிலையில் அவர்கள் குடும்ப நண்பர்களாகவே மாறிவிட்டார்கள் ! சுஷ்மிதா விருந்துக்கு சென்ற புகைப்படங்கள் இணையத்தில் வைரலாகி வருகிறது.
ஐபிஎல் கிரிக்கெட் போட்டிகள் உருவாக காரணமாக இருந்தவர்களில் ஒருவரான லலித் மோடியை சுஷ்மிதா சென் தற்போது காதலித்து வருகிறார். இவர்கள் இருவரும் ஒன்றாக நேரம் செலவிட்ட புகைப்படங்களை சமூக வலைத்தளங்களில் பகிர்ந்த லலித் மோடி , விரைவில் திருமணம் செய்துக்கொள்ள இருப்பதாக அறிவித்தார் என்பது குறிப்பிடத்தக்கது.