கமல்ஹாசன் நடிப்பில் வரும் ஜூன் மாதம் 3-ஆம் தேதி வெளியாக இருக்கும் திரைப்படம் ‘விக்ரம்’. மாநகரம், கைதி, மாஸ்டர் உள்ளிட்ட படங்களை இயக்கி கவனம் ஈர்த்த இயக்குநர் லோகேஷ் கனகராஜ் இயக்கத்தில், அனிருத் இசையில் உருவாகியிருக்கும் இந்தப்படத்தின் டீஸர், மேக்கிங் வீடியோக்கள் சமூக வலைதளங்களில் வெளியாகி ரசிகர்கள் மத்தியில் நல்ல வரவேற்பை பெற்றது.
விக்ரம் படத்தை தொடர்ந்து இயக்குநர் லோகேஷ் கனகராஜ் நடிகர் விஜய் உடன் இணைந்து மீண்டும் படம் இயக்க இருக்கிறார். விக்ரம் படத்திற்கு பிறகு இந்த படம் குறித்த அப்டேட் வெளியாகும் என்று தனியார் விருது விழாவில் இயக்குநர் லோகேஷ் கனகராஜ் தெரிவித்தார். இதைக்கேட்ட விஜய் ரசிகர்கள் சமூக வலைதளங்களில் #Thalapathy67 என்ற ஹாஸ்டேக்கை ட்ரெண்ட் செய்து வந்தனர்.
இந்தநிலையில், தளபதி 67 திரைப்படத்திற்கு பிறகு இயக்குநர் லோகேஷ் கனகராஜ் விக்ரம் பார்ட் 3 திரைப்படத்தை இயக்க இருப்பதாகவும், அந்த படத்தில் நடிகர் கமல்ஹாசனுக்கு பதிலாக கதாநாயகனாக நடிகர் சூர்யா நடிக்க இருப்பதாகவும் தகவல் வெளியாகி வருகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்