கங்குவா
சிறுத்தை சிவா இயக்கத்தில் சூர்யா நடித்துள்ள படம் கங்குவா. பாபி தியோல் , திஷா பதானி , கருணாஸ் உள்ளிட்டவர்கள் இப்படத்தில் நடித்துள்ளார்கள். தேவி ஶ்ரீ பிரசாத் இசையமைத்துள்ளார். ஸ்டுடியோ கிரீன் நிறுவனம் இப்படத்தை தயாரித்துள்ளது. வரும் நவம்பர் 14 ஆம் தேதி இப்படம் திரையரங்குகளில் வெளியாக இருக்கிறது. கங்குவா படத்தின் இசை வெளியீடு நிகழ்ச்சி வரும் அக்டோபர் 26 ஆம் தேதி சென்னை நேரு உள்விளையாட்டு அரங்கத்தில் பிரம்மாண்டமாக நடைபெற இருக்கிறது.
கங்குவா இரண்டாவது பாடல்
ஏற்கனவே படத்தின் முதல் பாடலான ஃபயர் சாங் சில மாதங்கள் முன்பு வெளியாகி பெரும் வரவேற்பைப் பெற்றது. இதனைத் தொடர்ந்து தற்போது கங்குவா படத்தின் இரண்டாவது பாடல் நாளை வெளியாக இருக்கிறது. முந்தைய பாடலில் சூர்யாவின் ஒரு கெட் அப் வெளிக்காட்டப்பட்டது போல் இந்த பாடலில் சூர்யாவின் இன்னொரு கெட் அப் வெளியிடப்படும். மேலும் இது ஒரு பார்ட்டி சாங் வைபில் இருக்கும் என்பதை போஸ்டரை வைத்து சொல்ல முடிகிறது. திஷா பதானியும் இந்த பாடலில் இடம்பெறுவார்.