ஆர் ஜே பாலாஜி இயக்கத்தில் கடந்த மே 15 ஆம் தேதி திரையரங்கில் வெளியாகி மாபெரும் வசூல் வெற்றிப்பெற்ற கருப்பு விரைவில் ஓடிடி தளத்தில் வெளியாக இருக்கிறது. சூர்யாவின் கரியரில் அதிக வசூல் ஈட்டிய படமாக அமைந்துள்ள கருப்பு உலகளவில் எத்தனை கோடி வசூல் செய்துள்ளது குறித்த தகவல்களைப் பார்க்கலாம்
ட்ரீம் வாரியர்ஸ் தயாரிப்பில் சூர்யாவின் 45 ஆவது படமாக கருப்பு படம் அறிவிக்கப்பட்டது. நயன்தாராவின் மூக்குத்தி அம்மன் 2 படத்தை இயக்கவிருந்த ஆர் ஜே பாலாஜி இந்த படத்தை இயக்கவிருப்பதாக அறிவிப்பு வெளியாகி ரசிகர்களுக்கு அதிர்ச்சி கொடுத்தது. ஏ ஆர் ரஹ்மான் இசையமைக்க இருந்து பின் சாய் அப்யங்கர் இப்படத்திற்கு இசையமைப்பாளராக நியமிக்கப்பட்டார். ட்ரீம் வாரியர் தயாரிப்பில் முன்னதாக வெளியான ஜப்பான் , வா வாத்தியார் திரைப்படம் எதிர்பார்த்த வசூல் தராததால் ட்ரீம் வாரியர்ஸ் கடும் நீதி நெருக்கடியை சந்தித்தது. இதனால் கருப்பு படத்தின் படப்பிடிப்பில் தாமதம் ஏற்பட்டது . அதே போல் சூர்யாவின் முந்தைய படமான கங்குவா திரைப்படம் சரியாக போகாததால் ஓடிடி நிறுவனங்கள் கருப்பு படத்தை மிக சிறிய தொகைக்கே வாங்க முன்வந்தன.
மே 14 ஆம் தேதி வெளியாக இருந்த கருப்பு நிதி சிக்கல்கள் காரணமாக ரிலீஸ் தடைபட்டது. இத்தனை சவால்களை சந்தித்த படக்குழு மனம் தளராமல் இப்படம் நிச்சயம் பெரிய வெற்றிபெறும் என நம்பினர். நடிகர் சூர்யா தன்னால் முடிந்த உதவிகளை செய்து மே 15 ஆம் தேதி கருப்பு படம் மே 15 ஆம் தேதி வெளியானது. படக்குழுவினர் மற்றும் ரசிகர்கள் நம்பியது போல் கருப்பு திரைப்படம் இந்த ஆண்டின் மிகப்பெரிய ப்ளாக்பஸ்டர் படமாக அமைந்துள்ளது. உலகளவில் இப்படம் ரூ304 கோடிவரை வசூல் செய்து சூர்யாவின் கரியரில் ஒரு மாபெரும் வெற்றிப்படமாக அமைந்துள்ளது
ஓடிடி ரிலீஸ்
கருப்பு படம் வரும் ஜூன் 12 ஆம் தேதி அமேசான் பிரைம் ஓடிடி தளத்தில் வெளியாக இருப்பதாக அதிகாரப்பூர்வ அறிவிப்பு வெளியாகியுள்ளது. இப்படத்தின் ஓடிடி விற்பனை சுமார் 60 முதல் 70 கோடிவரை விற்கப்பட்டுள்ளதாக கூறப்படுகிறது.