விக்ரம் படத்தில் நடிப்பதற்காக நடிகர் சூர்யா பெற்ற சம்பளம் குறித்து சுவாரஸ்ய தகவல் ஒன்று வெளியாகியுள்ளது.
லோகேஷ் கனகராஜ் இயக்கத்தில் நடிகர்கள் கமல்ஹாசன்,விஜய் சேதுபதி, பஹத் ஃபாசில், காளிதாஸ் ஜெயராம் உள்ளிட்ட பலர் நடித்துள்ள விக்ரம் படம் பெரும் எதிர்பார்ப்புகளுக்கிடையே நேற்று உலகம் முழுவதும் வெளியாகி ரசிகர்களிடையே பெரும் வரவேற்பை பெற்றுள்ளது.அனிருத் இசையமைத்துள்ள இந்த படத்தில் நடிகர் சூர்யா ரோலக்ஸ் என்ற கேரக்டரில் கெஸ்ட் ரோலில் நடித்துள்ளார்.
இவரே விக்ரம் படத்தின் 3 ஆம் பாகத்திற்கு லீடாக இருப்பார் என தெரிவிக்கப்பட்டுள்ள நிலையில் படம் வசூலில் உலகளவில் ரூ.100 கோடியை எட்டியுள்ளதாக தகவல் வெளியாகியுள்ளது. இதனை கமல் ரசிகர்கள் கொண்டாடி வருகின்றனர்.
இதனிடையே விக்ரம் படத்தில் நடித்ததன் மூலம் கமலுடன் நடிக்கும் தனது கனவு நனவானதாகவும், அதற்காக நன்றி தெரிவித்து நடிகர் சூர்யா ட்விட்டரில் நேற்றைய தினம் பதிவு ஒன்றை வெளியிட்டிருந்தார். இதற்கு கமலும் கலாய்த்து பதிலளிக்க இருதரப்பு ரசிகர்களும் மகிழ்ச்சியடைந்தனர். இந்நிலையில் படத்தில் 5 நிமிடங்கள் மட்டுமே வரும் நடிகர் சூர்யா, இதில் நடிப்பதற்காக எவ்வித சம்பளமும் பெறவில்லை என தெரிவிக்கப்பட்டுள்ளது.
இதனைக் கேள்விப்பட்ட திரையுலகினரும், ரசிகர்களும் ஆச்சரியத்தில் சமூக வலைத்தளங்களில் நடிகர் சூர்யாவை பாராட்டி வருகின்றனர். சூர்யாவும், கமலும் நேர்ந்து பகிர்ந்து கொண்ட ட்வீட்ஸ் ரசிகர்களிடம் வைரலானது
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்