இந்திய திரையுலகின் சூப்பர்ஸ்டாராக திகழ்பவர் நடிகர் ரஜினிகாந்த். இவரது நடிப்பில் உருவாகியுள்ள திரைப்படம் ஜெயிலர் 2. கடந்த 2022ம் ஆண்டு வெளியான ஜெயிலர் படம் மாபெரும் வெற்றி பெற்றதையடுத்து, ஜெயிலர் 2 படம் உருவாகியுள்ளது.

Continues below advertisement

நாளை ட்ரெயிலர் ரிலீஸ்:

இந்த படம் சரஸ்வதி பூஜை கொண்டாட்டமாக வரும் அக்டோபர் 15ம் தேதி வெளியாகிறது. இந்த நிலையில், ஜெயிலர் 2 படத்தின் ட்ரெயிலர் நாளை வெளியாகிறது. இதனால், ரஜினிகாந்த் ரசிகர்கள் மிகுந்த மகிழ்ச்சி அடைந்துள்ளனர்.

ஜெயிலர் 2 படத்தை முதல் பாகத்தை இயக்கிய நெல்சன் திலீப்குமார் இயக்கியுள்ளார். ஜெயிலர் 2 படம் முதல் பாகத்தின் தொடர்ச்சியாகவே அமையும். ரஜினிகாந்த் டைகர் முத்துவேல் பாண்டியன் என்ற ஓய்வு பெற்ற ஐபிஎஸ் அதிகாரியாக நடித்துள்ளார். 

Continues below advertisement

நட்சத்திர பட்டாளம்:

இந்த படத்தில் மிதுன் சக்கரபோர்த்தி முக்கிய வேடத்தில் நடித்துள்ளார். எஸ்ஜே சூர்யா, சுராஜ் வெஞ்சரமூடு, ரம்யா கிருஷ்ணன், வித்யா பாலன், யோகிபாபு, மிர்ணா, ரித்விக், ஜதின் சர்மா, பகவதி பெருமாள், கோட்டயம் நசீர், சுனில் சுகதா, சுஜித் சங்கர், ஹக்கீம் ஷாஜகான் ஆகியோர் நடித்துள்ளனர்.

முதல் பாகத்தில் சிறப்பு தோற்றத்தில் நடித்துள்ள மோகன்லால், சிவ்ராஜ்குமார், ஜாக்கி ஷெராஃப் ஆகியோர் இந்த பாகத்திலும் சிறப்புத் தோற்றத்தில் நடித்துள்ளனர். ஹ்ரித்திக் ரோஷன், விஜய் சேதுபதி ஆகியோர் இந்த படத்தில் சிறப்புத் தோற்றத்தில் நடித்துள்ளனர்.

பட்ஜெட்:

இந்த படத்தின் பட்ஜெட் ரூபாய் 250 கோடி முதல் ரூபாய் 350 கோடி வரை இருக்கும் என்று கருதப்படுகிறது. இந்த படத்தை சன் பிக்சர்ஸ் நிறுவனம் தயாரித்துள்ளது. இந்த படத்திற்கு விஜய் கார்த்திக் கண்ணன் ஒளிப்பதிவு செய்துள்ளார். ஆர்.நிர்மல் இந்த படத்திற்கு படத்தொகுப்பு செய்துள்ளார். இந்த படத்திற்கு அனிருத் இசையமைத்துள்ளார்.

பான் இந்தியா:

இந்த ஜெயிலர் 2 படத்தின் வெளியீட்டிற்காக நடிகர் தனுஷின் ஓம் படத்தின் வெளியீடு ஒத்திவைக்கப்பட்டுள்ளது. முதல் பாகம் மிகப்பெரிய வெற்றி பெற்றது. இதனால், ஜெயிலர் 2 படமும் மிகப்பெரிய வெற்றி பெறும் என்று படக்குழு நம்பிக்கையுடன் உள்ளது. 

சமீபத்தில் வெளியான பாரடைஸ், டாக்சிக் படங்கள் பான் இந்தியா அளவில் வெளியாகி படுதோல்வியைச் சந்தித்தது. இந்த நிலையில், மீ்ண்டும் பான் இந்தியா படமாக ஜெயிலர் 2 படம் வெளியாகிறது. இதனால், இந்த படம் வெற்றி பெற்றால் பான் இந்தியா படங்கள் தொடர்ந்து இந்திய திரைப்பட சந்தையில் வெளியாகும் என்று கருதப்படுகிறது.