இந்தியில் பிரபல நடிகையாகவும், நடன கலைஞருமான சன்னி லியோனுக்கு ரசிகர்கள் அதிகம். இந்தியாவில் இவருக்கென்று ஏராளமான ரசிகர்கள் உள்ளனர். இன்ஸ்டாகிராமில் மிகவும் ஆக்டீவான இவர், அவ்வப்போது நடன வீடியோக்களை பதிவேற்றம் செய்வது உண்டு.
அந்த வரிசையில், ’ஃப்ளிப் தி பாட்டில் சாலஞ்ச்’ என்ற பிரபல இன்ஸ்டாகிராம் விளையாட்டை விளையாடி, வீடியோவாக பதிவேற்றி இருக்கிறார் சன்னி. இந்த வீடியோ அவரது ரசிகர்கள் மத்தியில் வைரலாகி வருகிறது. வீடியோவை பகிர்ந்துவிட்டு, “உங்களால் செய்ய முடியுமா?” என்ற கேப்ஷனோடு சவால் விட்டிருக்கிறார் சன்னி.
இன்ஸ்டாகிராம் வீடியோ மட்டுமல்லாது, அடிக்கடி ஏதாவது ஒரு செய்திக்காக சன்னி வைரலாவது வழக்கம். எப்போதும் பிஸியாக இருக்கும் அவர், தற்போது வீரமாதேவி, ஷெரோ என்ற தமிழ் படத்தில் முதன்மை கதாபாத்திரத்தில் நடித்து வருகிறார். மேலும். ஓ மை கோஸ்ட் என்ற படத்திலும் பேயாக நடித்து வருகிறார். இது மட்டுமின்றி மலையாளத்தில் ரங்கீலா, இந்தியில் கோகோ கோலா, ஹெலன் என்ற படங்களில் நடித்து வருகிறார். தி பாட்டில் ஆப் பீமா கோர்கான் என்ற படத்தில் ஒரு பாடலுக்கு நடனம் ஆட உள்ளார். 2012ம் ஆண்டு முதல் மீண்டும் திரைப்படங்களில் நடிக்கத் தொடங்கினார் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்