தமிழ் சினிமாவின் கலகலப்பான இயக்குநர்களில் ஒருவர் சுந்தர் சி. முறைமாமன் படத்தின் அறிமுகமாகி சூப்பர்ஸ்டாருடன் அருணாச்சலம் கமல்ஹாசனுடன் அன்பே சிவம் என மிகப்பெரிய வெற்றிப்படங்களை இயக்கியவர். கலகலப்பு, தீயா வேலை செய்யனும் குமாரு போன்ற படங்கள் மூலமாக அனைத்துத் தலைமுறைகளைச் சேர்ந்தவர்களும் ரசிக்கும் இயக்குநராக இருந்து வருகிறார். தற்போது தலைநகரம் படத்தின் இரண்டாம் பாகத்தில் நடித்து வருகிறார் சுந்தர் சி.
உள்ளத்தை அள்ளித்தா
சுந்தர் சி இயக்கத்தில் 1996-ஆம் ஆண்டு வெளியான திரைப்படம் உள்ளத்தை அள்ளித்தா. கார்த்தி, ரம்பா, கவுண்டமி, செந்தில் முதலியவர்கள் இந்தப் படத்தின் நடித்தார்கள். இந்தப் படம் குறித்து தனது மனதிற்கு நெருக்கமான ஒரு நினைவை பேட்டி ஒன்றில் பகிந்துகொண்டுள்ளார் சுந்தர் சி.
உள்ளத்தை அள்ளித்தா படத்தில் இடம்பெற்ற ஒரு கிட்னாப் சினை எடுத்த அனுபவத்தைப் பகிர்ந்துகொண்ட சுந்தர் சி “பொதுவாகவே ஒரு கடத்தல் சீனை எடுக்கும்போது இரண்டு சீரியஸான வில்லன்கள் பேசிக்கொள்வது போல்தான் இருக்கும். இந்தப் படத்தில் கவுண்டமனி மற்றும் செந்தில் இருவரும் பேசிக்கொள்வார்கள். இந்த காட்சியை எடுக்க நான் பட்டபாடு எனக்கு மட்டும்தான் தெரியும்.
கவுண்டமணி செய்யும் கலாட்டா
ஸ்பாட்டில் கவுண்டமணி நிறைய விஷயங்களை புதுசாக செய்வார். இதை எதிர்பார்க்காத நடிகர்கள் அவர் செய்யும் காமெடிக்காக விழுந்து விழுந்து சிரிப்பார்கள். இந்தக் காட்சியை எடுக்கும்போது கவுண்டமணி சொல்லும் டேய் கிட்னா நாயே என்கிற வசனத்தைக் கேட்டு கார்த்தி விழுந்து விழுந்து சிரிக்கத் தொடங்கினார்.
ஷாட் எடுக்கும்போது அவரால் தனது சிரிப்பைக் கட்டுப்படுத்தவே முடியவில்லை. அவர் சிரிக்காமல் இருப்பதற்காக ஷாட் தொடங்கியதும் நான் அவரது கண்களில் க்ளிஸரின் ஊற்றிவிட்டு வந்தேன். இதனால் அந்த காட்சி முழுவதும் தனது கண்களை மறைத்தபடியே இருப்பார். என்னுடைய கோல்டன் மெமரீஸில் ஒன்று இந்த காட்சி” என்று சுந்தர் சி கூறினார்.
தலைநகரம் 2
17 ஆண்டுகள் கழித்து தலைநகரம் படத்தின் 2ஆம் பாகம் உருவாகியுள்ளது. இந்த படத்தை ‘முகவரி’, ’தொட்டி ஜெயா’, ‘நேபாளி’ உள்ளிட்ட படங்களை இயக்கிய வி.இசட்.துரை இயக்கியுள்ளார். இந்த படத்தின் ட்ரெய்லர் சில நாட்களுக்கு முன் வெளியானது.