Just In
Arjun Covid Positive: ஆக்சன் கிங்கை அட்டாக் செய்த கொரோனா: சர்வைவர் சூட்டிங் நடந்த ஆப்பிரிக்கா தீவில் பரவியதா?
Arjun Tests Covid 19 Positive: ஆப்பிரிக்காவில் கண்டறியப்பட்ட ஒமிக்ரான் தொற்று, தற்போது பல நாடுகளுக்கு பரவி வரும் நிலையில், இந்தியாவிலும் பரவ ஆரம்பித்திருக்கிறது.
நடிகர் அர்ஜூனுக்கு கொரோனா தொற்று உறுதியாகியுள்ளது. இந்தத் தகவலை தனது இன்ஸ்டாகிராம் பக்கத்தில் தெரிவித்துள்ள நடிகர் அர்ஜூன், “ நான் கொரோனா தொற்றால் பாதிக்கப்பட்டுள்ளேன். கொரோனா பாதுகாப்பு விதிமுறைகளை பின்பற்றி என்னை நான் தனிமை படுத்திக் கொண்டுள்ளேன்.
என்னுடன் தொடர்பில் இருந்த அனைவரும் கொரோனா பரிசோதனை செய்து கொள்ளுங்கள். நான் நன்றாக இருக்கிறேன். அனைவரும் பாதுகாப்பாக இருங்கள். உங்களின் முககவத்தை அணிய மறக்க வேண்டாம்.” என்று பதிவிட்டுள்ளார்.
முன்னதாக, உலக அளவில் புகழ்பெற்ற ரியாலிட்டி நிகழ்ச்சியான சர்வைவர் தமிழில் ஜீ தமிழ் தொலைக்காட்சியில் ஒளிப்பரப்பு செய்யப்பட்டது. ஆப்பிரிக்க தீவுகளில் நடந்த இந்த நிகழ்ச்சியை நடிகர் அர்ஜூன் தொகுத்து வழங்கினார். இந்த நிகழ்ச்சியில் விக்ராந்த், உமாபதி, ஐஸ்வர்யா, சரண், நந்தா, விஜய லட்சுமி, லக்கி நாராயன், இனிகோ பிரபாகர், பெசன்ட் ரவி, பார்வதி ரெட்டி, இந்திரஜா ஷங்கர், லட்சுமி பிரியா, அம்ஸ்த் கான், வெனஸ்லா க்ரூஸ், லேடி காஷ், சிருஷ்டி டாங்கே, காயத்ரி ரெட்டி, பார்வதி, ராம் சி உள்ளிட்ட 18 போட்டியாளர்கள் கலந்து கொண்டனர்.
ஆப்பிரிக்க தீவில் நடந்த இந்த நிகழ்ச்சியின் இறுதி போட்டியில் போட்டியாளர்களின் வாக்குகள் அடிப்படையில், விஜய லட்சுமி டைட்டில் வின்னராக அறிவிக்கப்பட்டார். அவருக்கு பரிசு தொகையாக ஒரு கோடி ரூபாய் வழங்கப்பட்டது. இந்த நிகழ்ச்சிக்காக் முழுக்க முழுக்க ஆப்பிரிக்காவில் தங்கியிருந்த அர்ஜூனுக்கு தற்போது கொரோனா தொற்று உறுதியாகி உள்ளது. ஆப்பிரிக்காவில் கண்டறியப்பட்ட ஒமிக்ரான் தொற்று, தற்போது பல நாடுகளுக்கு பரவி வரும் நிலையில், இந்தியாவிலும் பரவ ஆரம்பித்திருக்கிறது. தமிழகத்தின் அண்டை மாநிலங்களான கர்நாடகா, கேரளாவிலும் பரவிய கொரோனா தொற்றிற்கு இதுவரை ஒருவர் பலியாகியுள்ளார். இதனால் முன்னெச்சரிக்கையாக தமிழக அரசு தளர்வுகளுடன் கூடிய ஊரடங்கு நீட்டிப்பு செய்திருப்பது குறிப்பிடத்தக்கது.