மாமன்
பிரசாந்த் பாண்டிராஜ் இயக்கத்தில் சூரி , ஐஸ்வர்யா லக்ஷ்மி நடித்து கடந்த மே மாதம் திரையரங்கில் வெளியானது மாமன். கொட்டுக்காளி படம் பெரியளவில் வரவேற்பைப் பெறாத நிலையில் மாமன் படம் ஃபேமிலி ஆடியன்ஸால் கொண்டாடப்பட்டது. வசூல் ரீதியாகவும் இப்படம் பெரும் வெற்றிப்படமாக அமைந்தது. சில காரணங்களால் படத்தின் ஓடிடி ரிலீஸில் தாமதம் ஏற்பட்டது. வரும் ஆகஸ்ட் 8 ஆம் தேதி ஜீ ஃபைவ் ஓடிடி தளத்தில் மாமன் திரைப்படம் வெளியாக இருக்கிறது.
பறந்து போ
இயக்குநர் ராம் இயக்கி மிர்ச்சி சிவா , கிரேஸ் ஆண்டனி , அஞ்சலி , விஜய் யேசுதாஸ் நடித்துள்ள படம் பறந்து போ. ராமின் மற்ற படங்களைப் போல் இல்லாமல் ஒரு எளிமையான ஃபீல் குட் திரைப்படமாக பறந்து போ இருந்ததால் இப்படத்திற்கு குடும்ப ரசிகர்களிடம் நல்ல வரவேற்பு கிடைத்தது. மிர்ச்சி சிவாவின் நகைச்சுவை காட்சிகள் படத்திற்கு பெரிய பலமாக அமைந்தது. வரும் ஆகஸ்ட் 8 ஆம் தேதி இப்படம் டிஸ்னி பிளஸ் ஹாட்ஸ்டாரில் வெளியாக இருக்கிறது பறந்து போ திரைப்படம்.
3BHK
சித்தார்த் , சரத்குமார் , தேவயானி , மீதா ரகுநாத் உள்ளிட்டவர் நடித்துள்ள படம் 3BHK . சித்தா படத்தைத் தொடர்ந்து சித்தார்த் நடித்த இந்தியன் 2 , மிஸ் யு , டெஸ்ட் ஆகிய படங்கள் பெரிதாக ஓடவில்லை. இதனைத் தொடர்ந்து வெளியான 3BHK அவருக்கு தேவையான வெற்றிப்படமாக அமைந்தது. எட்டுத் தொட்டாக்கள் , குருதி ஆட்டம் ஆகிய படங்களை இயக்கிய ஶ்ரீகணேஷ் இப்படத்தை இயக்கியுள்ளார். சொந்தமாக ஒரு வீடு வாங்க ஒரு எளிய மிடில் கிளாஸ் குடும்பம் எதிர்கொள்ளும் போராட்டங்களை மையமாக வைத்து உருவான இப்படம் பார்வையாளர்கள் தங்கள் வாழ்க்கையோடு தொடர்புபடுத்திக் கொள்ளும் விதமாக அமைந்தது படத்தின் வெற்றிக்கு காரணம். வரும் ஆகஸ்ட் 8 ஆம் தேதி சிம்ப்ளி செளத் ஓடிடி தளத்தில் 3BHK திரைப்படம் வெளியாக இருக்கிறது.
தம்முடு (தெலுங்கு)
வேனு ஶ்ரீராம் இயக்கத்தில் கடந்த ஜூலை 4 ஆம் தேதி வெளியான படம் தம்முடு. நிதின் , வர்ஷா பொல்லாமா , சப்தமி கெளடா ஆகியோர் இப்படத்தில் நடித்துள்ளார்கள். வரும் ஆகஸ்ட் 1 ஆம் தேதி நெட்ஃப்ளிக்ஸ் ஓடிடி தளத்தில் வெளியாக இருக்கிறது
இவை தவிர்த்து தெலுங்கில் ETV win ஓடிடி தளத்தில் ஆகஸ்ட் 1 ஆம் தேதி ரெட் சாண்டல்வுட் , அரேபியா காதலி ஆகஸ்ட் 8 அமேசான் பிரைமில் வெளியாக இருக்கின்றன.