கருடன்


வெற்றிமாறன் இயக்கிய விடுதலை படத்தில் நாயகனாக அறிமுகமான சூரி தற்போது நடித்துள்ள படம் கருடன் . துரை செந்தில்குமார் இயக்கியுள்ள இப்படத்தில் சசிகுமார் , உன்னி முகுந்தன் உள்ளிட்டவர்கள் நடித்துள்ளார். யுவன் ஷங்கர் ராஜா இப்படத்திற்கு இசையமைத்துள்ளார் . விடுதலை படத்தில் வெற்றிமாறனின் அப்பாவியான கதிரேசன் என்கிற கதாநாயகனாக நடித்த சூரிக்கு மக்கள் சார்பில் நல்ல ஆதரவு கிடைத்தது.


இந்த முறை சூரி ஆக்‌ஷன் ஹீரோவாக களமிறங்கியிருக்கும் படம் கருடன். கடந்த மே 31 ஆம் தேதி வெளியாகிய கருடன் படம் அனைத்து தரப்பு ரசிகர்களிடமும் செம பாசிட்டிவான விமர்சனங்களைப் பெற்றது. முதல் நாளில் படத்திற்கு கிடைத்த சாதகமான விமர்சனங்களைத் தொடர்ந்து அடுத்தடுத்த நாட்களில் திரையரங்குகளில் மக்களில் வரவு அதிகரித்துள்ளது. இப்படியான நிலையில் கருடன் படத்தின் முதல் முன்று நாள் வசூல் நிலவரங்கள் வெளியாகியுள்ளன. 


கருடன் படத்தின் வசூல் நிலவரம்


கருடன் படம் முதல் நாளில் உலகளவில் 4.2 கோடி வசூலித்தது. இந்த ஆண்டு வெளியான படங்களில் முதல் நாளில் அதிகப்படியான வசூல் ஈட்டிய படங்களின் வரிசையில் இடம்பிடித்துள்ளது கருடன்.  கேப்டன் மில்லர் , கில்லி , அரண்மனை 4 முதலிய படங்களுக்கு அடுத்து நான்காவது இடத்தில் கருடன் உள்ளது. ரசிகர்கள் மற்றும் விமர்சகர்களிடம் இருந்து வந்த பாசிட்டிவ் விமர்சனங்கள் படத்திற்கு மக்களை ஈர்த்துள்ளது. 


அதன்படி இரண்டாவது நாளில் கருடன் படம் ரூ 5.65 கோடி, மூன்றாவது நாளில் உலகளவில் ரூ 7.35 கோடி வசூலித்தது.  மொத்தமாக முதல் மூன்று  நாட்களில் கருடன் படம் 16.8 கோடி வசூலித்து இந்த ஆண்டில் முதல் வாரத்தில் அதிக வசூல் ஈட்டிய படங்களில் மூன்றாவது இடத்தைப் பிடித்தது .






இதனைத் தொடர்ந்து நான்காவது நாளில் 2.75 கோடி , ஐந்தாவது நாளில் 2.35 கோடி , ஆறாவது நாளில் 1.80 கோடி வசூலித்துள்ளதாக சாக்னிக் தளம் தகவல் வெளியிட்டுள்ளது. மொத்தமாக முதல் ஆறு நாட்களில் கருடன் படம் 21,50 கோடி வசூலித்துள்ளதாக சாக்னிக் தளத்தில் தகவல் வெளியாகியுள்ளது. 


கருடன் படத்தின் முதல் ஆறு நாட்கள் வசூல் கவின் நடித்துள்ள ஸ்டார் படத்தின் வசூலை முறியடித்துள்ளதாக சினிமா ஆர்வலர்கள் கூறுகிறார்கள் . மேலும் ஜூன் 4 ஆம் தேதி மக்களவை தேர்ததல் வாக்கு எண்ணிக்கை நடைபெற்ற காரணத்தினால் படத்தின் வசூலில் சிறிய சரிவு ஏற்பட்டுள்ளதாகவும் அடுத்து வரக்கூடிய வாரங்களில் வசூல் எண்ணிக்கை அதிகரிக்கும் என்றும் எதிர்பார்க்கப்படுகிறது.


படத்தின் வசூல்  குறித்த அதிகாரப்பூர்வ தகவலை படக்குழு விரைவில் வெளியிடும் என்று எதிர்பார்க்கலாம் .