’அவரவர் வாழ்க்கையில் ஆயிரம் ஆயிரம் மாற்றங்கள்’ என்ற பாண்டவர் பூமி திரைப்படத்தில் இடம்பெற்ற பாடல் ஹிட். அதை எழுதிய பாடலாசியர், கவிஞர் சினேகனுக்கு இன்று பிறந்தநாள். ரசிகர்கள் உற்சாகமாக சமூக வலைதலங்களில் வாழ்த்து சொல்லி கொண்டாடி வருகின்றனர். சினேகனுக்கு அவரது மனைவி கன்னிகா அன்பு பரிசுடன் வாழ்த்து தெரிவித்துள்ளார். இந்த வீடியோ சமூக வலைதளங்களில் வைரல் ஆகி வருகிறது.
ஹேப்பி பிறந்தநாள் சினேகன்
தமிழ் சினிமா பாடலாசியர், கவிஞர் என்று தொடங்கிய சினேகனின் வாழ்க்கை அரசியல்வாதியாக உருவெடுத்துள்ளார். 2018-ம் ஆண்டு முதல் மக்கள் நீதி மய்யம் கட்சியில் இணைந்து தேர்தலில் போட்டியிட்டார்.
ஆசிரியராக இருந்த காலத்தில் பாடல்கள் எழுதத் தொடங்கினார். புத்தம் புதிய பூவே படத்தில் பாடலாசிரியராக பணியாற்ற தொடங்கினார்.க விஞர் வைரமுத்துவிடம் ஐந்தாண்டு காலம் உதவியாளராக பணிபுரிந்தார். அதன் பிறகு பல வருட காத்திருப்பிற்கு பின்னர் ‘புத்தம் புது பூவே’ என்ற திரைப்படத்தில் பாடலாசிரியராகும் வாய்ப்பு சினேகனுக்கு கிடைத்தது. கன்னிகா சின்னத்திரையில் தொகுப்பாளராகவும் , நடிகையாகவும் இருந்தவர். கே. பாலசந்தர் இயக்கத்தில் கலைஞர் டிவியில் அமுதா ஒரு ஆச்சரியக் குறி தொடரின் மூலம் அறிமுகமானார். அதனைத் தொடர்ந்து தேவராட்டம், அடுத்த சாட்டை உள்ளிட்ட சில படங்களில் நடித்துள்ளார். சன் டி.வியில் ‘கல்யாண வீடு’ என்ற தொடரிலும் முக்கிய கதாபாத்திரத்தில் நடித்திருந்தார். தவிர சிலம்பத்தை முறையாக கற்று தேர்ந்தவர். தன்னை ஒரு எழுத்தாளராகவும் கன்னிகா அறிமுகப்படுத்திக்கொள்கிறார். பிக்பாஸ் நிகழ்ச்சிக்கு பிறகு சினேகன் , கமல் தொடங்கிய மக்கள் நீதி மையம் கட்சியில் இணைந்தார். நடந்து முடிந்த சட்டமன்ற தேர்தலில் விருகம்பாக்கம் தொகுதியில் போட்டியிட்டு தோல்வியடைந்தார். முன்னதாக நாடாளுமன்ற தேர்தலில் சிவகங்கை தொகுதியில் போட்டியிட்ட சினேகன் அதிலும் வெற்றி பெறவில்லை.
இவர் 2500-க்கும் மேற்பட்ட பாடல்களை எழுதியுள்ளார். 750-க்கும் மேற்பட்ட படங்களில் பணியாற்றியுள்ளார்.
மனைவியின் அன்பு பரிசு:
நடிகை கன்னிகாவும், சினேகனும் காதலித்து திருமணம் செய்து கொண்டனர். காதல் பறவைகளாக இவர்களுக்கு ரசிகர்கள் அதிகம். இருவரின் வீடியோ பெரும் வரவேற்பை பெற்றது.
கணவருடைய பிறந்தநாளில், கன்னிகா சிறப்பாக பரிசு ஒன்றை வழங்கியுள்ளார். கன்னிகா சமூக வலைதளங்களில் ஆக்டிவாக இருக்கக் கூடியவர். காதல், ஓவியங்கள் என அவருடைய இன்ஸ்டாகிராம் பக்கம் நிறைந்திருக்கும். கன்னிகா, சினேகனுக்கு ஸ்போர்ட் சைக்கிள் ஒன்றை பரிசாக அளித்துள்ளார். அந்த வீடியோவை பகிர்துள்ளார்.
“எப்போதும் மகிழ்ச்சியுடன் இருக்க வேண்டும்.’ என்று குறிப்பிட்டு பிறந்தநாள் வாழ்த்து தெரிவித்துள்ளார்.