தெலுங்கு திரைப்படமான ‘ஜதி ரத்னாலு’ படத்தை இயக்கிய இயக்குனர் அனுதீப் நடிகர் சிவகார்த்திகேயனை வைத்து இயக்கியுள்ள திரைப்படம் "பிரின்ஸ்". மக்கள் திலகம் எம்.ஜி.ஆர், சூப்பர் ஸ்டார் ரஜினிகாந்த் மற்றும் இளைய தளபதி விஜய் அவர்களின் பட்டியலில் அடுத்ததாக சேர்ந்துள்ளார் நடிகர் சிவகார்த்திகேயன்.
அனைவரின் ஃபேவரட் நடிகர் :
இயக்குனர் அனுதீப் இயக்கத்தில் நடிகர் சிவகார்த்திகேயன் நடிக்கும் பிரின்ஸ் திரைப்படத்தில் நடிகை மரியா, நடிகர் சத்யராஜ் மற்றும் பலர் நடித்துள்ளனர். ஒரு இந்தியாவை சேர்ந்த ஒருவன் ஒரு பிரிட்டிஷ் பெண்ணை காதலிப்பதுதான் இப்படத்தின் கதை. இப்படம் தீபாவளிக்கு திரையரங்குகளில் வெளியாகிறது. தீபாவளிக்கு வெளியாகும் முதல் சிவகார்த்திகேயன் திரைப்படம் என்பதால் மிகுந்த சந்தோஷத்தில் இருக்கிறார்கள் அவரின் ரசிகர்கள். சிறியவர்கள் முதல் வயதானவர்கள் வரை அனைவரின் ஃபேவரட் நடிகர் சிவாதான். இதற்கு முன்னர் இவரின் நடிப்பில் வெளியான டாக்டர் மற்றும் டான் திரைப்படம் வசூல் ரீதியாக செம்ம வசூல் செய்தது.
தீபாவளி ரிலீஸ் :
அந்த வகையில் உலக அளவில் வெளியாகும் பிரின்ஸ் திரைப்படத்திற்கும் சரியான வசூல் வேட்டை இருக்கும் என எதிர்பார்க்கப்படுகிறது. இப்படம் உலகம் முழுவதும் 650 திரையரங்குகளில் வெளியாக உள்ளது. அமெரிக்காவில் மட்டும் இப்படம் அக்டோபர் 20ம் தேதி திரையிடப்படுகிறது என்ற அறிவிப்பு ஏற்கனவே வெளியானது. மக்கள் திலகம் எம்.ஜி.ஆர், சூப்பர் ஸ்டார் ரஜினிகாந்த் மற்றும் இளைய தளபதி விஜய் இவர்களுக்கு மட்டுமே ஆறு முதல் அறுபது வயது வரை உள்ள ரசிகர்கள் உள்ளனர். அந்த பட்டியலில் தற்போது அடுத்ததாக சேர்ந்துள்ளார் நடிகர் சிவகார்த்திகேயன். அனைத்து வயதினரையும் இம்ப்ரெஸ் செய்ய கூடிய எதார்த்தமானவர்.
தமன் இசையமைப்பில் பிரின்ஸ் திரைப்படத்தின் பாடல்கள் வெளியாகி ரசிகர்களை பெரிதும் கவர்ந்தது. சிவகார்த்திகேயன் படங்களின் பாடல்கள் என்றுமே சூப்பர் ஹிட் பாடல்களாக அமைந்துள்ளது என்பது குறிப்பிடத்தக்கது.