Sita Ramam OTT Release date : இனி ஓடிடியில் காணலாம் 'சீதா ராமம்'... ரிலீஸ் தேதி வந்தாச்சு...
வைஜெயந்தி மூவீஸ் தயாரிப்பில் ஹனு ராகவபுடி இயக்கத்தில் துல்கர் சல்மான் நடிப்பில் நீண்ட நாட்களுக்கு பிறகு ஒரு ரம்மியமான காதல் கதை உள்ள திரைப்படம் "சீதா ராமம்". தெலுங்கு படமாக உருவாகி தமிழ் மற்றும் மலையாளத்தில் டப் செய்யப்பட்டு சென்ற மாதம் திரையரங்குகளில் வெளியானது. இப்படம் மூலம் துல்கர் சல்மான் தெலுங்கு சினிமாவில் அறிமுகமாகியுள்ளார் என்பது குறிப்பிடத்தக்கது.
பிளாக் பஸ்டர் ஹிட் :
சீதா ராமம் திரைப்படம் ஒரு பிளாக் பஸ்டர் ஹிட் திரைப்படமாக வசூலில் சாதித்துள்ளது. வெளியான முதல் நாளில் இருந்து ரசிகர்கள் மத்தியில் பாசிட்டிவ் விமர்சனங்களை குவித்து வந்த இப்படம் ஒரு ராணுவ வீரனின் அழகான காதல் கதையை மிக அழகாக முகசுளிப்பு இல்லாமல் நமக்குள் கொண்டு சேர்த்தது தான் இப்படத்தின் வெற்றி.
முதல் வாரத்திலேயே சரியான வசூல் :
சீதா ராமம் படத்தி துல்கர் சல்மான் உடன் மிருணாள் தாகூர், ராஷ்மிகா மந்தனா ஆகியோர் முக்கிய கதாபாத்திரத்தில் நடித்திருந்தனர். இப்படம் துல்கர் சல்மானின் திரைவாழ்வில் ஒரு மைல் கல்லாக அமைந்துள்ளது. படம் வெளியான முதல் வாரத்திலேயே ரூ. 50கோடிக்கும் மேல் வசூல் செய்துள்ளது சீதா ராமம் திரைப்படம்.
ஓடிடி ரிலீஸ் தேதி வெளியானது:
சீதா ராமம் படம் குறித்த மற்றுமொரு புதிய அப்டேட் ஒன்று தற்போது வெளியாகியுள்ளது. இப்படத்தினை ஓடிடியில் வெளியிட முடிவெடுத்துள்ளனர் படக்குழுவினர். அமேசான் ப்ரைம் ஓடிடி தளத்தில் படம் செப்டம்பர் 9 தேதி வெளியிடப்படும் என அதிகாரபூர்வமான தகவலை வெளியிட்டுள்ளனர். இது ரசிகர்களுக்கு ஒரு மகிழ்ச்சியான செய்தியாகும். தெலுங்கில் உருவான திரைப்படம் என்றாலும் இது தமிழில் எடுத்த படம் போலவே இருந்தது. இது ஒரு டப்பிங் படம் என்ற உணர்வே இல்லை. படத்தில் அனைவரின் நடிப்பும் அபாரம். அதிரடி, ஆக்ஷன் போன்ற திரைப்படங்கள் மத்தியில் ஒரு அமைதி புறா போன்ற ஒரு ரம்மியமான திரைப்படமாக சீதா ராமம் இருந்தது.