சூப்பர் சிங்கர் மற்றும் குக் வித் கோமாளி மூலமாக அனைவர் மனதையும் ஈர்த்தவர் ஷிவாங்கி . அனைவரும் தங்கள் வீடு செல்ல பிள்ளையாக அவரை கொண்டாடுகிறார்கள் . சூப்பர் சிங்கர் மூலம் தொலைக்காட்சி நிகழ்ச்சியில் அறிமுகம் ஆனவர் ஷிவாங்கி, அந்த சீசனில் வெற்றிபெறாத நிலையில் மீண்டும் குக் வித் கோமாளி சீசன் 1-இல் அறிமுகமானார் . சீசன் 1 வெற்றிக்கு பிறகு சீசன் 2 குக் வித் கோமாலியிலும் பங்கு கொண்டார் . சீசன் 2 எதிர் பார்த்ததை விட பெரிய ஹிட் ஆனது. மிகவும் கலகலப்பாக இந்த சீசன் நிறைவும் பெற்றது. அஸ்வின் ஷிவாங்கி ஜோடி மற்றும் ஷிவாங்கி புகழ் காம்போ அனைவராலும் ரசிக்கப்பட்ட காம்போ. இணையத்திலும் அண்ணா தங்கை என்று ஷிவாங்கி புகழ் ட்ரெண்டில் உள்ளனர் என்பது குறிப்பிடத்தக்கது .
ரியாலிட்டி ஷோவில் பங்கேற்பது, சினிமாவில் நடிப்பது என பிஸியாக இருக்கு ஷிவாங்கி, சமூகவலைதளங்களிலும் ஆக்டீவாக இருப்பார். இதனாலயே, அவருக்கு ஏரளமான ரசிகர்கள் உள்ளனர். இந்தநிலையில், ஷிவாங்கி இன்ஸ்டாகிராமில் 4 மில்லியன் பாலோவர்களை பெற்றுள்ளார். அதாவது, 40 லட்சம் பேர் அவரை இன்ஸ்டாகிராமில் பின் தொடருகின்றனர். இதற்காக, நன்றி தெரிவித்த இன்ஸ்டா லைவில் நன்றி தெரிவித்த ஷிவாங்கி கேக் வெட்டி மகிழ்ந்தார். மேலும் ரசிகர்களின் கேள்விக்கு பதிலளித்தார். அப்போது ஒரு ரசிகர் சிவகார்த்திகேயன் குறித்து கூறவும் எனக் கேட்டார்.
அதற்கு பதில் அளித்த ஷிவாங்கி, சிவகார்த்திகேயன் என்னுடைய அண்ணன். அவர் என்னை பாதுகாப்பாக உணர்ச் செய்வார். படப்பிடிப்பில் எனக்கு பல விஷயங்களை சொல்லிக் கொடுப்பார். ஐஸ் கிரீம் வாங்கிக் கொடுப்பார். எவ்வளவு உயரத்திற்கு போனாலும் யாரைப் போலத்தான் இருக்க வேண்டும் என்று கேட்டால், நான் சிவா அண்ணாவைப் போலவே இருக்க வேண்டும் என்றும் கூறுவேன் என்றார். மேலும் ரசிகர்களின் அன்பு கோரிக்கைக்கு ஏற்ப சில பாடல்களையும் ஷிவாங்கி பாடினார்.
குக் வித் கோமாளி சீசன் 2 முடிவதற்கு முன்னவே அனைவர் மனதிலும் இடம் பிடித்த ஷிவாங்கி, சிவகார்த்திகேயன் நடிக்கும் "டான் " படத்தில் இணைந்தார். சிபி சக்கரவர்த்தி இந்தப் படத்தை இயக்குகிறார்,கல்லூரி காதல், காமெடி சார்ந்த படமாக இது இருக்கும் என்று படக்குழுவினர் தெரிவித்திருந்தனர்.
முன்னதாக, சூப்பர் சிங்கரில் தற்போது ஷிவாங்கி தொகுப்பாளராக களமிறங்கவுள்ளார் என்ற தகவல் நேற்று வெளியானது. அது தொடர்பான புகைப்படங்களும் இணையத்தில் பரவி வைரலானது. ஆங்கர் ஷிவாங்கி என எழுதப்பட்ட அறையின் புகைப்படத்தை பகிர்ந்துள்ள அவர், இரண்டு வருடங்களுக்கு முன்னதாக போட்டியாளராக பங்கேற்ற நினைவுகளையும் பகிர்ந்துள்ளார்.இதற்கிடையே சூப்பர் சிங்கர் ஆங்கராக இருந்த பிரியங்கா பிக் பாஸ் செல்ல இருப்பதால் அவருக்கு பதிலாக ஷிவாங்கி உள்ளே வந்திருப்பதாக கூறப்படுகிறது.