சிலம்பரசனின் ‘ வெந்து தணிந்தது காடு’ படத்தின் இசை வெளியீட்டு விழா எப்போது நிகழும் என்பது தொடர்பான அதிகாரப்பூர்வ அறிவிப்பு வெளியாகியுள்ளது.
இது தொடர்பாக வெளியிடப்பட்டிருக்கும் அறிவிப்பில், “ வெந்து தணிந்தது காடு திரைப்படத்தின் இசை வெளியீட்டு விழாவானது வரும் செப்டம்பர் 2 ஆம் தேதி, பல்லாவரத்தில் உள்ள வேல்ஸ் பல்கலைகழத்தில் 5 மணியிலிருந்து நடக்கும் என்றும் இந்த விழாவில் படத்தின் இசையமைப்பாளாரான ஏ.ஆர்.ரஹ்மான் கலந்து கொண்டு நேரலையாக பாடல்களை வெளியிடுகிறார்.” என்று குறிப்பிடப்பட்டுள்ளது.
வேல்ஸ் பிலிம்ஸ் இண்டர்நேஷனல் பிலிம்ஸ் தயாரிப்பில் உருவாகியுள்ள திரைப்படம் "வெந்து தணிந்தது காடு" திரைப்படம். கௌதம் வாசுதேவ் மேனன் இயக்கத்தில் சிம்பு நடிப்பில் செப்டம்பர் 15ம் தேதி உலகமெங்கும் உள்ள திரையரங்குகளில் வெளியிடப்பட உள்ளது.
மூன்றாவது முறை :
இயக்குனர் கௌதம் வாசுதேவ் மேனன் - நடிகர் சிம்பு கூட்டணியில் இது மூன்றாவது படம். "விண்ணைத்தாண்டி வருவாயா", "அச்சம் என்பது மடமையடா" படங்களின் பட்டியலில் அடுத்து இணைந்துள்ளது "வெந்து தணிந்தது காடு" திரைப்படம். "வெந்து தணிந்தது காடு" படத்திற்கு இசை அமைத்துள்ளார் இசையமைப்பாளர் ஏ.ஆர். ரஹ்மான். இப்படத்தின் முதல் லிரிக்கல் வீடியோ பாடலான 'காலத்துக்கும் நீ வேணும்' பாடலை தொடந்து இப்படத்தின் இரண்டாவது பாடல் "மறக்குமா நெஞ்சம்..." என்ற பாடல் சமீபத்தில் தான் வெளியானது. இது ரசிகர்கள் மத்தியில் நல்ல வரவேற்பை பெற்றுள்ளது.
மேலும் வெளியீட்டு நாள் நெருங்கி வருவதால் படக்குழுவினர் படத்தின் விளம்பர பணிகளை தொடங்க திட்டமிட்டுள்ளனர். அதன் முதல் படியாக இப்படத்தின் ஆடியோ மற்றும் ட்ரைலரை வரும் செப்டம்பர் 2ம் தேதி இசை வெளியீட்டு விழாவை நடத்துகின்றனர்.