Simbu 9 Sentiment: நடிகர் சிம்புவின் 9 செண்டிமெண்ட் அவரின் வெந்து தணிந்தது காடு படத்தின் இரண்டாவது பாடல் ரிலீசிலும் தொடருகிறது. VTKவின் இரண்டாவது பாடல் ஆகஸ்ட் 14ம் தேதி மாலை 6.21 மணிக்கு ரிலீஸ் ஆகவுள்ளது. ரிலீஸ் நேரத்தினை கூட்டும் போது 9 வருவதால் இந்த பாடல் ரிலீசிலும் நடிகர் சிம்புவின் 9 செண்டிமெண்ட் தொடர்கிறது.
இயக்குநர் கௌதம் வாசுதேவ் மேனன் இயக்கத்தில், நடிகர் சிம்பு நடிப்பில், இசை அமைப்பாளர் ரகுமான் இசையில் உருவாகியுள்ள படம் வெந்து தணிந்தது காடு. இப்படத்தின் ஃபர்ஸ் லுக் போஸ்டர் மதியம் 12. 15 மணிக்கு ரிலீஸ் செய்யப்பட்டது. இதன் கூட்டுத் தொகையும் 9. இதற்கு முன்னர் சிம்பு நடித்து பெறும் வெற்றி பெற்ற மாநாடு படத்தின் ஃபர்ஸ்ட் லுக் ரிலீஸ் ஆன நேரம் 10.44, அதேபோல், மாநாடு படத்தின், டீசர் வெளியிடப்பட்ட நேரம், 5.04. இதன் கூட்டுத்தொகை 9.
இதேபோல் நடிகர் சிம்புவின் இன்ஸ்டாகிராம் தொடங்கப்பட்ட நேரம் 9.09 மணி மேலும், அவர் வெளியிட்ட “ஐம் கம் பேக்” வீடியோ வெளியிட்ட நேரமும் 9.09. இப்படி சிம்புவின் 9 சென்டிமெண்ட் தொடர்ந்து கொண்டே இருக்கிறது. இதற்கு சிம்புவின் ரசிகர்களும், சினிமா வட்டாரங்களும் 9ஐ தனது பெயரில் கொண்ட பிரபல நடிகை தான் காரணம் எனச் சொல்லப்பட்டாலும், நடிகர் சிம்புவின் தந்தை டி.ராஜேந்திரன் தான் சிம்புவுக்கு ராசியான எண் 9 என கூறியுள்ளதாகவும், அதனால் தான் அப்பா சொல்லை தட்டாத சிம்பு அதனை தொடர்ந்து தன்னுடைய ஒவ்வொரு அடியிலும் பின் பற்றுவதாகவும் சொல்லப்படுகிறது.
மாநாடு படத்தில் விமான நிலைய காட்சியில் கூட நடிகர் சிம்பு, கடிகாரத்தில் 9 குறிப்பிடுவதைபோல காட்சியிலும் நடித்திருப்பார். இயக்குநர் சுசீந்திரன் இயக்கத்தில் சிம்பு நடித்து வெளியான ஈஸ்வரன் படத்தின் டீசர் வெளியீடும் காலை 4.32 மணிக்கு வெளியிடப்பட்டுள்ளது.
தற்போது வெளியிடப்படும், வெந்து தணிந்தது காடு படத்தின் இரண்டாவது பாடல் ஆகஸ்ட் 14ம் தேதி மாலை 6.21 மணிக்கு ரிலீஸ் ஆகவுள்ளது. ரிலீஸ் நேரத்தினை கூட்டும் போது 9 வருவதால் இந்த பாடல் ரிலீசிலும் நடிகர் சிம்புவின் 9 செண்டிமெண்ட் தொடர்கிறது. இப்பாடலை இசைப்புயல் ஏ.ஆர். ரகுமான் பாடியுள்ளார்.