சிம்புவின் சக்சஸ் சீக்ரெட்
தங்களுக்கிடையேயான உறவு பற்றி அவர் கூறும் போது, “ சிலம்பரசனை பற்றி தெரியாத ரகசியங்கள் எதுமில்லை. அவர் திரையிலும் சரி வெளியிலும் சரி வெளிப்படையாகவே இருக்கிறார். தன்னை பற்றி பிறர் கூறுவதை நினைத்து அவர் என்றுமே கவலைப்பட்டதில்லை. அவர் அவருக்கென சில விதிமுறைகளை வகுத்துக்கொண்டு வாழ்ந்து வருகிறார். அவரது அனைத்து வெற்றிக்கும் காரணம் அவர் மட்டும்தான். மற்றவர்களுக்கு அவர் முன்மாதிரியாக இருப்பது எனக்கு மகிழ்ச்சியாக உள்ளது” என்று பேசியுள்ளார். சிலம்பரசன் எடையை குறைத்த வீடியோ நேற்று சமூகவலைதளங்களில் வெளியாகி வைரலானது.
பிக்பாஸ் மூலம் பிரபலமடைந்த மஹத்
சிலம்பரசன் நடித்த வல்லவன், காளை உள்ளிட்ட திரைப்படங்களில் நடித்த மஹத், அதனைத் தொடர்ந்து விஜயின் ஜில்லா, மங்காத்தா உள்ளிட்ட படங்களில் நடித்தார். 2018 ஆம் ஆண்டு பிக்பாஸ் வீட்டிற்குள் சென்றதன் மூலம் பிரபலமடைந்த மஹத், நடிகை யாஷிகாவை காதலித்ததாகவும் சொல்லப்பட்டது. அதனைத் தொடர்ந்து பிராச்சி என்ற மாடல் அழகியை மஹத் திருமணம் செய்து கொண்டார்.இவர்களுக்கு கடந்த ஆண்டு, ஒரு ஆண் குழந்தையும் பிறந்தது.
மஹத் தற்போது ஹிந்தி உட்பட பல மொழி படங்களில் நடிக்க கமிட்டாகி உள்ளார். தெலுங்கில் பிரபலமான அல்லு அரவிந்த் தயாரிக்கும் படத்தை இயக்குநர் முருகதாஸின் இணை இயக்குநர் செந்தில் என்பவர் இயக்குகிறார். இந்தப்படத்தில் நடிகர் மஹத் நடிக்க இருக்கிறார்.