பாலிவுட்டில் லைம்லைட்டில் இருந்த பெரும்பாலான காதலர்கள் திருமணம் செய்துவிட, இந்த ஆண்டு காதல் பறவைகளாக வலம் வந்து பாலிவுட் மீடியாக்களின் கவனமீர்த்தது சித்தார்த் மல்ஹோத்ரா - கியாரா அத்வானி ஜோடி.
கடந்த ஆண்டு இந்தியில் விஷ்ணு வர்தன் இயக்கிய ’ஷேர்ஷா’ படத்தில் முதன்முறையாக இணைந்து நடித்த இந்த ஜோடி ரசிகர்களைக் கவர்ந்து ஹிட் அடிக்க, இருவரும் காதலிப்பதாக செய்திகள் பரவத் தொடங்கின.
தொடர்ந்து இந்தக் கிசுகிசுக்களை உறுதிப்படுத்தும் வகையில் சித்தார்த் - கியாரா ஜோடி பொது இடங்களில் ஒன்றாக வலம் வந்து ரசிகர்களின் கவனத்தை ஈர்த்தனர்.
காதலை மறைமுகமாக சொன்ன ஜோடி
இந்நிலையில் இருவரும் காதலித்து வருவதாக பாலிவுட் வட்டாரங்கள் தொடங்கி சக நடிகர்கள் வரை வெளிப்படையாக இவர்களை பல நிகழ்ச்சிகளிலும் கலாய்க்கத் தொடங்கினர்.
முன்னதாக காஃபி வித் கரண் நிகழ்ச்சியில் பங்கேற்ற கியாராவிடம் சுற்றி சுற்றி சித்தார்த் பற்றி கேள்வி எழுப்பப்பட்ட நிலையில், வெட்கத்துடன் கியாரா பதிலளித்தது சமூக வலைதளங்களில் ட்ரெண்ட் ஆனது.
மேலும் இருவரும் டேட்டிங் செய்கிறீர்களா என கரண் எழுப்பிய கேள்விகளுக்கு இருவருமே மறுக்கவோ, ஆமோதிக்கவோ இல்லை. ‘தாங்கள் நெருங்கிய நண்பர்களை விட நெருக்கமானவர்கள்’ என மறைமுகமாக கியாரா பதிலளித்தார். ”கியாராவை சிங்கிளாக இருந்தபோது சந்தித்தது எனக்கு வரப்பிரசாதம்” எனக் கூறி சித்தார்த் மல்ஹோத்ரா பார்வையாளர்களுக்கு இன்ப அதிர்ச்சி அளித்தார்.
2023இல் திருமணம்
இந்நிலையில் இவர்கள் இருவரும் வரும் 2023ஆம் ஆண்டு ஏப்ரல் மாதம் திருமணம் செய்ய உள்ளதாகவும், சண்டிகரில் உள்ள பிரம்மாண்ட திருமண மஹாலை தங்கள் திருமணத்துக்காக இந்த ஜோடி உறுதி செய்துள்ளதாகவும் முன்னதாகத் தகவல்கள் வெளியாகின.
மேலும் பாலிவுட்டின் பிரபல ஆடை வடிவமைப்பாளரான மணீஷ் மல்ஹோத்ராவின் வீட்டுக்கு ஒன்றாக இந்த ஜோடி வருகை தந்தது திருமண தகவல்களை மேலும் உறுதிபடுத்தும் வகையில் அமைந்தது.
இந்நிலையில், தற்போது சித்தார்த் - கியாரா ஜோடி புத்தாண்டைக் கொண்டாட வெளிநாட்டுக்கு பறந்துள்ளனர்.
ஒன்றாக புத்தாண்டு கொண்டாட்டம்
விரைவில் திருமணம் செய்யவுள்ள இந்த ஜோடி புத்தாண்டை ஒன்றாக இணைந்து வரவேற்க வெவ்வேறு விமானங்கள் மூலம் பறந்து தங்கள் நியூ இயர் ஸ்பாட்டை அடைய உள்ளதாக பாலிவுட் பாப்பரசிக்கள் தகவல் கசியவிட்டுள்ளனர்.
சித்தார்த் - ராஷ்மிகா நடித்துள்ள மிஷன் மஞ்சு படம் வரும் ஜனவரி 20ஆம் தேதி வெளியாக உள்ளது. கியாரா அத்வானி, நடிகர் கார்த்திக் ஆர்யன் மீண்டும் இணையும் ‘சத்ய ப்ரேம் கி கதா’ படத்தின் ஷூட்டிங் விரைவில் தொடங்க உள்ளது.