நேற்று பிறந்தநாளை கொண்டாடிய நடிகை ஸ்ரேயா அவரது இன்ஸ்டா பக்கத்தில் பல போட்டோக்களையும் வீடியோக்களையும்
பதிவிட்டுள்ளார். நடிகை ஸ்ரேயா படம் நடிப்பதை விட, இன்ஸ்டாவில் பயங்கர ஆக்டீவாக உள்ளார் என்றே சொல்லாம். அந்த வகையில், மாலத்தீவில் குடும்பத்தினருடன் பிறந்தநாளை சந்தோஷமாக கொண்டாடியுள்ளார். அவர் குழந்தை ராதவுடன் க்யூட்டான வீடியோக்களையும் ஷேர் செய்துள்ளார்.
தற்போது நடிகை ஷ்ரேயா சரண், சந்துரு இயக்கத்தில் `கப்ஸா’ என்ற திரைப்படத்தில் மதுமதி என்ற கதாபாத்திரத்தில் நடித்துவருகிறார். ஆக்ஷன் திரைப்படமாக உருவாகும் என எதிர்பார்க்கப்படும் இந்தத் திரைப்படத்தில் கன்னட நடிகர் கிச்சா சுதீப் முன்னணி வேடத்தில் நடித்து வருகிறார். இப்படம், கன்னடம், தெலுங்கு, தமிழ், மலையாளம், மராட்டி, பெங்காலி என ஏழு மொழிகளில் வெளியாகவுள்ளது.
சிறுவயதில் இருந்து நடனத்தில் ஆர்வமாக இருந்த ஸ்ரேயா, 2001-ல் வெளியான இஷ்டம் எனும் தெலுங்கு படத்தில் அறிமுகமானார். ஹிந்தி சினிமாவிலும் நடித்து வந்த இவர் மழை படத்தில் சைலஜா கதாபாத்திரத்தில் நடித்து தமிழ் இளைஞர்களின் மனதில் இடம் பிடித்தார். ஆனால் அதற்கு முன்பே உனக்கு 20 எனக்கு 18 படத்திலும் நடித்தார் ஸ்ரேயா. இதனை தொடர்ந்து, திருவிளையாடல் ஆரம்பம், சிவாஜி தி பாஸ், அழகிய தமிழ் மகன், தோரணை, கந்தசாமி, குட்டி என பல படங்களில் நடித்தார்.
இவர் நடிப்பில், த்ரிஷ்யம் 2 (ஹிந்தி), மியூசிக் ஸ்கூல், கப்சா, தட்கா, நாகாசூரன்,சண்டக்காரி ஆகிய படங்கள் வெளியாகவுள்ளது.
மேலும் படிக்க : Naai Sekar Returns: ஹாப்பி பர்த்டே வடிவேலு.. வெளியானது நாய் சேகர் ரிட்டன்ஸ் படத்தின் போஸ்டர்!