தமிழ் தொலைக்காட்சியின் பிரபல நடிகையான ஷாமிலி சுகுமார் தனியார் தொலைக்காட்சி ஒன்றில் ஒளிபரப்பாகும் ‘ரோஜா’ சீரியலில் அணு என்ற வில்லன் கதாபாத்திரத்தில் நடித்து பிரபலமானவர். அவர் சமீபத்தில் தனது கணவர் ராஜ்குமாருடன் தனது முதல் குழந்தையுடன் கர்ப்பமாக இருக்கும் புகைப்படத்தை வெளியிட்டு குழந்தையின் நலனுக்காக சீரியலில் இருந்து விலகுவதாக தெரிவித்திருந்தார்.
இந்தநிலையில், ஷாமிலி இன்ஸ்டாகிராமில் தனக்கு ஒரு பெண் குழந்தை பிறந்ததாக அறிவித்து குழந்தையின் கைகள் இடம்பெற்றுள்ள புகைப்படத்தையும் வெளியிட்டுள்ளார். அவர் வெளியிட்ட அந்த பதிவில்,"காத்திருப்பு இறுதியாக முடிந்தது! என் இளவரசியை வரவேற்பதில் நாங்கள் மகிழ்ச்சியடைகிறோம்" என்று எழுதியுள்ளார். அவள் பிறந்தது எங்களுக்கு அளவு கடந்த மகிழ்ச்சி என்றும் பதிவிட்டுள்ளார். தொலைக்காட்சித் துறையைச் சேர்ந்த பலர் மற்றும் அவரது ரசிகர்கள் இன்ஸ்டா பக்கத்தில் அவருக்கு வாழ்த்து தெரிவித்து வருகின்றனர்.
இதற்கு முன்னதாக ஷாமிலி சுகுமார், 'தென்றல்' சீரியலின் மூலம் நடிகையாக அறிமுகமானார், தொடர்ந்து,'வாணி ராணி' (தேஜஸ்வினி / தேஜுவாக), 'ரோமாபுரி பாண்டியன்' (இளவரசி கலைவாணி), 'பாசமலர்' (மல்லிகா), 'பொன்னுஞ்சல்' ஆகிய சீரியல்களில் பல்வேறு கதாபாத்திரங்களில் நடித்து பெயர் பெற்றவர்.
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்