ஷாருக் கான்
பாலிவுட்டின் முன்னணி நடிகரான ஷாருக் கான். தற்போது இவருக்கு 58 வயதாகிறது. ஆனால் சினிமாவில் ரொமாண்டிக் நடிகராக இருந்த காலம் முதல் தற்போது மாஸ் நடிகராக இருப்பது வரை அவர் ஒரே இயல்போடு தான் இருந்து வருகிறார். தனது தோற்றத்தின் மேல் அசாத்தியமான தன்னம்பிக்கை, எல்லா கேள்விகளுக்கும் பட்டென்று பதில் கொடுத்து எதிரில் இருப்பவரின் வாயை அடைப்பது எல்லாம் அவருக்கு கை வந்த கலை. குறிப்பாக பெண்களிடம் ஷாருக் கான் ரொமாண்டிக்காக பேசி பின் தானே பல்ப் வாங்குவது எல்லாம் கிளாசிக். ஷாருக் கானில் பழைய காணொளி ஒன்று தற்போது சமூக வலைதளத்தில் வைரலாகி வருகிறது.
அரசியல்வாதிகளுக்கு ஷாருக் கான் கொடுத்த அட்வைஸ்
முன்னாள் பிரதம மன்மோகன் சிங் , தற்போதைய காங்கிரஸ் எம்.பி ராகுல் காந்தி உள்ளிட்டவர்கள் கலந்துகொண்ட நிகழ்ச்சி ஒன்றில் ஷாருக் கான் கலந்துகொண்டார். இந்த நிகழ்வில் ராகுல் காந்தி ஷாருக் கானிடம் அரசியல்வாதிகளுக்கு நீங்கள் கொடுக்க விரும்பும் அட்வைஸ் என்னவென்று கேட்டார். இதற்கு தனது ஸ்டைலில் பதிலளித்த ஷாருக் கான் " இது ரொம்ப ஈஸியான கேள்வி. இன்னொருவராக நடித்து அதை நம்பவைப்பது தான் என்னுடய தொழில். ஆனால் மனதார ஒரு நாட்டை வழிநடத்தும் அரசியல்வாதிகள் மேல் எனக்கு மிகப்பெரிய மரியாதை இருக்கிறது. அரசியல் ஒரு தன்னலமற்ற சேவை. உங்கள் தேசத்தின் மீது பெருமை கொள்வதும் நேர்மையாக உழைப்பதையும் நான் அரசியல்வாதிகளுக்கு அட்வைஸாக சொல்வேன். இந்த நாட்டை நேசியுங்கள் அதை வைத்து பணம் பண்ண நினைக்காதீர்கள்' என ஷாருக் கான் பதிலளித்தார்.