மகாபாரதப் புராணக் கதையின் ஒரு பகுதியான சாகுந்தலா - துஷ்யந்தனின் காதல் கதையை மையாக வைத்து உருவாக்கப்பட்ட 'சாகுந்தலம்' படத்தின் ரிலீஸ் தேதி ஒத்திவைக்கப்பட்டுள்ளது.
சமந்தா நடிப்பில் ‘காளிதாஸ்’ எழுதிய புராணக்கதையான சாகுந்தலத்தை அடிப்படையாகக் கொண்டு உருவாகியுள்ள 'சாகுந்தலம்' திரைப்படத்தின் ட்ரைலர் சமீபத்தில் வெளியாகி ரசிகர்களை கவனத்தை ஈர்த்தது. தெலுங்கு இயக்குனர் குணசேகரன் இயக்கத்தில் ‘சூஃபியும் சுஜாதையும்’ திரைப்படம் மூலம் பிரபலமான நடிகர் தேவ் மோகன் கதாநாயகனாக நடித்துள்ளார். அதிதி பாலன், பிரகாஷ்ராஜ், கௌதமி, மோகன்பாபு, மதுபாலா, கபீர் சிங் உள்ளிட்ட பலரும் நடித்துள்ள இப்படத்திற்கு இசையமைத்துள்ளார் மணி சர்மா.
ரிலீஸ் தேதியில் மீண்டும் மாற்றம் :
தில்ராஜுவின் ஸ்ரீ வெங்கடேஷ்வரா கிரியேஷன்ஸ் 'சாகுந்தலம்' திரைப்படத்தை வெளியிடும் உரிமையை கைப்பற்றியுள்ளது. ஏற்கனவே நவம்பர் 4ம் தேதி வெளியாகும் என அறிவிக்கப்பட்டது பின்னர் அந்த தேதியில் வெளியாகாமல் பிப்ரவரி 17ம் தேதிக்கு ஒத்திவைக்கப்பட்டது. அதனை தொடந்து மீண்டும் ரிலீஸ் தேதியில் மாற்றம் செய்யப்பட்டுள்ளது என்பது குறிப்பிடத்தக்கது.
தேதி ஒத்திவைப்பிற்கு காரணம் :
இப்படம் பிப்ரவரி 17ம் தேதி வெளியாகும் என ஏற்கனவே அறிவித்திருந்தது படக்குழு. ஆனால் அறிவித்த தேதியில் படம் சில காரணங்களால் வெளியாகாது என்றும் விரைவில் ரிலீஸ் தேதி குறித்த அறிவிப்பை வெளியிடுவோம் என்ற அதிகாரபூர்வமான தகவலை இன்று வெளியிட்டுள்ளனர். சாகுந்தலம் திரைப்படத்தை மொத்தமாக 3டி தொழில்நுட்பத்தில் மாற்ற படக்குழு திட்டமிட்டதால் தான் இந்த ஒத்திவைப்பு என சினிமா வட்டாரங்கள் தெரிவிக்கின்றன.
ஒத்திவைப்பால் ரசிகர்கள் வருத்தம் :
மகாபாரதப் புராணக் கதையின் ஒரு பகுதியான சகுந்தலா - துஷ்யந்தன் காதல் கதையை அடிப்படையாகக் கொண்டு காளிதாசர் இயற்றிய அபிஞான சாகுந்தலத்தை அடிப்படையாகக் கொண்டு பிரமாண்டமாக உருவாக்கப்பட்டுள்ள திரைப்படம் 'சாகுந்தலம்'. தமிழ், தெலுங்கு, மலையாளம், கன்னடம், இந்தி என ஐந்து மொழிகளில் ஒரே நேரத்தில் வெளியாக இருந்த இப்படம் அறிவித்த தேதியில் வெளியாகாததால் மிகுந்த வருத்தத்தில் உள்ளனர் சமந்தா ரசிகர்கள். சமீபத்தில் மயோசிட்டிஸ் பாதிப்பிலிருந்து மீண்ட சமந்தாவை சகுந்தலாவாக இப்படம் மூலம் திரையில் காண மிகுந்த ஆர்வத்தில் இருந்தனர். இருப்பினும் விரைவில் இப்படத்தின் புதிய ரிலீஸ் தேதி குறித்து அறிவிப்பு வெளியாகும் என்ற எதிர்பார்ப்பில் உள்ளனர்.
சமந்தா மிகவும் பிஸி :
அது மட்டுமின்றி நடிகை சமந்தா அடுத்தடுத்து விஜய் தேவரகொண்டாவுடன் குஷி, ஆங்கிலப் படமான ’அரேஞ்மெண்ட் ஆஃப் லவ்’, வெப் சீரிஸ் ’சிட்டடல்’ என அடுத்தடுத்த ப்ராஜக்ட்களில் சமந்தா நடித்து வருவது குறிப்பிடத்தக்கது.