செவ்வந்தி சீரியலில் நடித்து வரும் திவ்யா ஸ்ரீதர் குழந்தையை பெற்றெடுத்தது தொடர்பாக, இன்ஸ்டாகிராமில் பதிவிட்டுள்ளார். அதில், அத்தனை சூழலிலும் உனக்கு நான் துணையாக இருப்பேன் என குழந்தைக்கு உறுதியளித்துள்ளார்.
திவ்யா ஸ்ரீதர் பதிவு:
தனக்கு பிறந்த பெண் குழந்தையின் பிஞ்சு கைகள் உடன் கைகோர்த்தவாறு, திவ்யா ஸ்ரீதர் இன்ஸ்டாகிராமில் நீண்ட பதிவு ஒன்றை வெளியிட்டுள்ளார். அதில் “இந்த காத்திருப்பு நீண்டது. ஆனால் மிகவும் சிறப்பு வாய்ந்தது, என்ன நடந்தது என்பதற்காக அல்ல, ஆனால் என்ன நடக்கப் போகிறது என்பதற்காக. நீ கொடுத்த உந்துதல், ஆதரவு, சக்தி, அன்பு, பலம் கண்டிப்பாக நிபந்தனையற்றது.
என்னில் ஒரு அங்கமாக இருப்பதற்கு நான் உனக்கு நன்றி கூறுகிறேன், மேலும் விசித்திரக் கதைகளைப் போல என்றென்றும் உன்னில் ஒரு பகுதியாக நான் இருப்பேன் என்று உறுதியளிக்கிறேன். உன்னை காதலிக்கிறேன் என் அன்பு தேவதையே! என் அழகான பெண் குழந்தையே எனது பயணம் முழுவதும் ஆதரவளித்த குடும்பத்தினர் மற்றும் நண்பர்களுக்கு நன்றி, தயவுசெய்து அதை தொடர்ந்து கொடுங்கள். உங்கள் அனைவரையும் நான் நேசிக்கிறேன்” என குறிப்பிட்டுள்ளார்.
கணவருடன் மோதல்:
பிரபல தனியார் தொலைக்காட்சியில் ஒளிபரப்பாகி வரும் செவ்வந்தி சீரியலில் கதாநாயகியாக நடிப்பவர் நடிகை திவ்யா ஸ்ரீதர். இவருக்கு ஏற்கனவே திருமணமாகி விவாகரத்து ஆன நிலையில் ஒரு பெண் குழந்தையும் உள்ளது. இதையடுத்து தன்னுடன் சீரியலில் இணைந்து நடித்த நடிகர் அர்னாவை சில மாதங்களுக்கு முன்பு திருமணம் செய்துக் கொண்டார். அதோடு தான் கருவுற்று இருக்கும் விஷயத்தையும் பகிர்ந்துக் கொண்டார்.
ஆனால், தனது கணவர் அர்னாவ் செல்லம்மா சீரியலில் நடிக்கும் அன்ஷிதா என்பவருடன் நெருக்கமாகி, தன்னை தவிர்ப்பதாகவும், கர்ப்பமாக இருக்கும் தன்னை கொடுமைப்படுத்துவதாகவும் திவ்யா வீடியோ ஒன்றை வெளியிட்டிருந்தார். இதையடுத்து அர்னாவ் மீது வழக்கு பதிவு செய்யப்பட்டது. தொடர்ந்து மீடியாக்களை சந்தித்த அவர் அர்னாவ் மீது அடுக்கடுக்காக பல குற்றச்சாட்டுகளை முன் வைத்தார். அதன் பின்னர் இருவரும் பிரிந்து தனித்தனியே வாழ்ந்து வருகின்றனர்.
பேட்டியில் அழுத திவ்யா ஸ்ரீதர்:
அண்மையில் தனியார் ஊடகத்திற்கு பேட்டி அளித்த திவ்யா “பலரும் அவனே ஏமாத்திட்டு போயிட்டான். உனக்கு இந்த குழந்தை வேண்டாம்ன்னு அட்வைஸ் பண்ணாங்க. ஆனா, எந்த உயிரையும் கொல்ல யாருக்கும் உரிமை இல்லை. கடவுள் கொடுத்த இந்த குழந்தையை பெற்றெடுக்கவே விரும்பினேன். 4 மாசத்துலயே பிரேக் எடுக்க விரும்பினேன். ஆனால் என் வாழ்க்கையில் என்னென்னவோ நடந்துவிட்டது. அதெல்லாம் உங்கள் அனைவருக்கும் தெரியும்.
அதன் பிறகு பொருளாதார ரீதியாக நான் வேலை செய்ய வேண்டிய சூழல் வந்தது. இப்போது 9-வது மாதம் நடந்துக் கொண்டிருக்கிறது. இன்னும் 10-15 நாட்களில் குழந்தை பிறந்துவிடும். ஆனால் இன்னும் கூட ஓய்வெடுக்காமல் நடித்துக் கொண்டிருக்கிறேன். எனக்கு ஏற்கனவே ஒரு மகள் இருக்கிறாள். அதனால் இது ஆண் குழந்தையாக இருக்க வேண்டும். அவனை நல்ல மனிதனாக வளர்ப்பேன். பெண்களை எப்படி மதிக்க வேண்டும் என்பதை அவனுக்குக் கற்றுக் கொடுப்பேன்” என கண்ணீர் மல்க பேசியிருந்தார். இந்நிலையில் தனக்கு பெண் குழந்தை பிறந்து இருப்பதை திவ்யா ஸ்ரீதர் இன்ஸ்டாகிராம் பக்கத்தில் அறிவித்துள்ளார்.