சோனியா அகர்வால்




பஞ்சாப் மாநிலம், சண்டிகரில் பிறந்த சோனியா அகர்வால், தொலைக்காட்சித் தொடர்களில் தனது நடிப்பு பயணத்தை தொடங்கினார். பின் தெலுங்கில் ' நீ பிரேமகாய் ' படத்தின் மூலம் வெள்ளித்திரையில் அடி எடுத்து வைத்தார். 


திவ்யாவும் அனிதாவும்


செல்வராகவன் இயக்கத்தில் தனுஷ் நடித்த காதல் கொண்டேன் படத்தின் மூலம் தமிழ் சினிமாவில் அறிமுகமானார் சோனியா அகர்வால். தொடர்ந்து செல்வராகவன் இயக்கத்தில் வெளியான 7 ஜி ரெயின்போ காலணி, புதுப்பேட்டை உள்ளிட்ட படங்களில் நடித்தார். 


Directors Actor என்று ஒரு சில நடிகர்களை குறிப்பிடுவார்கள். இந்த நடிகர்கள் ஒரு இயக்குநரின் கதைக்கு முழுமையாக தங்களை ஒப்புக் கொடுத்து ஒரு படத்தின் அங்கமாக இருப்பவர்கள். இயற்கு நடிகர் தனுஷ் ஒரு சிறந்த உதாரணம். வெற்றிமாறன், செல்வராகவன் என தான் பணியாற்றும் இயக்குநர்களுக்கான நடிகராகவே தன்னை வெளிப்படுத்தக் கூடியவர். இயக்குநர்களின் நடிகைகள் என்று மிக சொற்பமானவர்களையே நாம் அப்படி குறிப்பிட்டு சொல்லமுடியும். ஸ்ரீதேவி, ராதா, சிம்ரன், த்ரிஷா போன்ற மூத்த நடிகைகளை குறிப்பிடலாம். 




சோனியா அகர்வால் அப்படியான ஒரு நடிகையாக தமிழ் சினிமாவில் வலம் வருவதற்கான எல்லா சாத்தியங்களும் இருந்தன. ரசிகர்கள் பெரும்பாலும் அவரை செல்வராகவனின் கண்கள் வழியாகதான் பார்த்தார்கள். துணிச்சலான ஆண்களை அரவணைத்துக் கொள்ளும் ஒரு பெண்ணாக செல்வராகவனின் படங்களில் சோனியா அகர்வால் நடித்தார். புதுப்பேட்டை  படத்தில் அவருக்கு நெகட்டிவ் ஷேட் ஒன்றையும் கொடுத்திருப்பார் செல்வராகவன்.


அவரது செல்வி கேரக்ட்ரை வைத்து தனியாக ஒரு ஸ்பின் ஆஃப் படமே எடுக்கலாம். செல்வராகவன் படங்கள் தவிர்த்து அவர் நடித்த திருட்டுப் பயலே, ஒரு நாள் ஒரு கனவு போன்ற படங்களிலும் அவரது நடிப்பு தனித்துவமாக தெரிந்தது. ஆனால் அடுத்தடுத்து அழுத்தமான கதாபாத்திரங்களில் அவருக்கு இயக்குநருக்கு வழங்க தவறிவிட்டார்கள். 


தோல்வியடைந்த திருமணம்


செல்வராகவனை திருமணம் செய்துகொண்ட பிறகு சில காலம் நடிப்பில் இருந்து ஓய்வு பெற்றுக் கொண்ட அவர் திருமண முறிவுக்குப் பிறகு சிம்பு நடித்த வானம் படத்தின் மூலம்  மீண்டும் நடிப்பிற்கு திரும்பி வந்தார். இப்படத்தில் சிறிய கதாபாத்திரத்தில் நடித்திருந்தாலும் மிகவும் முதிர்ச்சியான நடிப்பை வெளிப்படுத்தினார். சதுரங்கம், நடிகையின் வாக்குமூலம், பாலக்காட்டு மாதவன் என அடுத்தடுத்து  அவர் நடித்த படங்கள் பெரிதாக கை கொடுக்கவில்லை. தமிழ், மலையாளம், கன்னடம் ஆகிய மொழிகளில் அவ்வப்போது ஒரு சில படங்களில் பெரிதும் முக்கியத்துவம் பெறாத கதாபாத்திரங்களில் அவரை நாம் பார்த்து வருகிறோம். தற்போது மலையாளத்தில் பிஹைண்ட், தமிழில் காதலைத் தேடும் நித்யானந்தா, ஷ் உள்ளிட்டப் படங்களில் நடித்து வருகிறார் சோனியா அகர்வால். ஆனால் எத்தனை ஆண்டுகள் ஆனாலும் ரசிகர்கள் அவரை காதல் கொண்டேன் திவ்யாவாக, 7 ஜி அனிதாவாக தான் மனதில் வைத்திருப்பார்கள். பிறந்தநாள் வாழ்த்துகள் சோனியா அகர்வால்.