மனிதர்களுக்காக மனிதர்களுடான மனிதர்களபை் பற்றிய கதைகளை கூறும் இயக்குனர் சீனுராமசாமியின் இயக்கத்தில் சமீபத்தில் வெளியான மாமனிதன் திரைப்படம், பெரிய அளவில் பெயர் பெற்றது. தற்போது ஓடிடி தளத்திலும் அது வெளியாகியுள்ளது.
நல்ல படைப்புகளை தருவது மட்டுமல்லாது, படைப்புகளை பாராட்டுவதிலும் சீனு ராமசாமி சிறந்தவர். அந்த வகையில், நேற்று ஆடியோ மற்றும் ட்ரெய்லர் வெளியீடு மதுரையில் நடந்தது. இதைத் தொடர்ந்து விருமன் படத்திற்கு தனது வாழ்த்துக்களை கூறியுள்ளார் சீனுராமசாமி.
‛‛ஒரு கை எழுத்துக்கு மறுகை நிலத்துக்கு இளையோன் வயிற்றுக்கு மூத்தவர் அறிவுக்கு இருவரும் தமிழர் வாழ்விற்கு.. விருமனுக்கும் விருதுகளுக்கும் வாழ்த்துக்கள்’’
என்று அவர் அந்த பதிவில் குறிப்பிட்டுள்ளார். அவர் வேறு படத்திற்கு வாழ்த்து தெரிவித்துள்ள நிலையில், கவிப்பேரரசு வைரமுத்து, மாமனிதன் படத்தை பார்த்துவிட்டு, அதை புகழ்ந்து ட்விட் செய்துள்ளார். அந்த ட்விட்டில்,
‛‛அண்மையில்தான் பார்த்தேன் மாமனிதன் வாழ்வின் கருத்த நிழலொன்று திரையில் விழுந்திருக்கிறது சாரம் இதுதான்: சமூகத்தில் மிருகங்கள் சில உள ஆனால் தெய்வங்கள் பலப் பல சீனு ராமசாமி! விஜய்சேதுபதி! வாழ்த்துகிறேன் கண்டால் கண்ட இடத்தில் உங்கள் தலைகோதிக் கொடுப்பேன்,’’
என்று வைரமுத்து தனது ட்விட்டர் பக்கத்தில் பதிவிட்டுள்ளார்.
இதைப் பகிர்ந்துள்ள சீனுராமசாமி, பதிலுக்கு அவரும் சில வார்த்தைகளை பதிவு செய்து, நன்றி தெரிவித்துள்ளார்.
‛‛திக்கறியாத வனத்தில் என் தலை மீது காட்டு யானையின் துதிக்கை ஆசிகள் கவிப்பேரரசருக்கு மனம் நெகிழ்ந்த அன்பும் நன்றியும்..’’
என்றும், தனது ட்விட்டரில் சீனுராமசாமி, வைரமுத்துவுக்கு நன்றி தெரிவித்துள்ளார்.