Samantha enters Mollywood: சாக்லேட் பாய் - கதீஜா டூயட் பாட ரெடி ஆயிட்டாங்க... ரசிகர்கள் வெயிட்டிங்
தமிழ் திரையுலகின் ராணியாக ரசிகர்களை ஆட்டிப்படைப்பவர் நடிகை சமந்தா. சமீபத்தில் சமந்தா பற்றின செய்திகள் அடிக்கடி காத்துவாக்குல ஒன்றின் பின் ஒன்றாக வந்து கொண்டே இருந்தாலும் அவர் தான் டோலிவுட்டின் மற்றும் கோலிவுட்டின் குயின் என்பதை நிரூபித்து கொண்டே இருக்கிறார். அந்த வகையில் தற்போது மலையாள திரையுலகையும் தன வசம் இழுக்க தேவையான அனைத்து முயற்சிகளையும் மும்மரமாக நகத்துகிறார் சாம்.
துல்கர் சல்மான் தயாரிக்கும் கிங் ஆஃப் கோதா:
மலையாளத்தில் துல்கர் சல்மானுக்கு ஜோடியாக கிங் ஆஃப் கோதா திரைப்படம் மூலம் மலையாள திரையுலகிற்குள் அடி எடுத்து வைக்க உள்ளார் என தகவல்கள் பரிமாறப்படுகிறது. துல்கர் சல்மான் வேஃபேரர் பிலிம்ஸ் பேனரின் சார்பில் இப்படத்தை தயாரிப்பதோடு முக்கிய கதாபாத்திரத்திலும் நடிக்கிறார். அபிலாஷ் ஜோஷி இப்படத்தின் மூலம் இயக்குனராக அறிமுகமாகிறார். இவர் பிரபல மலையாள இயக்குனர் ஜோஷியின் மகன் என்பது குறிப்பிடத்தக்கது. அபிலாஷ் என் சந்திரன் இப்படத்தின் திரைக்கதையை எழுதியுள்ளார்.
துல்கர் சல்மான் - சமந்தா ஜோடி :
கீர்த்தி சுரேஷ் லீட் ரோலில் நடித்த நடிகையர் திலகம் படத்தில் துல்கர் சல்மான் மற்றும் சமந்தா நடித்திருந்தாலும் இருவரும் சேர்ந்து நடிப்பது போன்ற எந்த காட்சிகளும் இடம் பெறவில்லை. அதனால் இவர்கள் இருவரும் ஜோடி சேரும் முதல் படம் கிங் ஆஃப் கோதா. ஐஸ்வர்யா லக்ஷ்மியும் ஒரு முக்கிய கதாபாத்திரத்தில் நடிக்க உள்ளார். கேங்க்ஸ்டர் பற்றின படம் இது என்று கூறப்படுகிறது. சாக்லேட் பாய் மற்றும் சினிமா குயின் ஜோடி நிச்சயம் ரசிகர்களிடம் நல்ல வரவேற்பை பெரும்.
வெற்றிநடை போடும் துல்கர் சல்மானின் "சீதா ராமன்":
துல்கர் சல்மான் - மிருணால் தாகூர் நடிப்பில் தற்போது வெளியாகியுள்ள "சீதா ராமன்" வெற்றிகரமாக திரையரங்குகளில் ஓடிக்கொண்டு இருக்கிறது. இப்படத்தில் ராஷ்மிகா மந்தனா மற்றும் சுமந்த் உட்பட பலர்
முக்கிய கதாபாத்திரத்தில் நடித்துள்ளனர். இப்படத்தை தொடர்ந்து ராஜ்குமார் ராவுடன் இணைந்து கன்ஸ் அண்ட் குலாப்ஸ் எனும் வெப் சீரிஸ் ஒன்றில் நடிக்க உள்ளார் துல்கர் சல்மான்.