நடிகை சாய்பல்லவியின் தங்கை பூஜா கண்ணன் அறிமுகமாகும் சித்திரை செவ்வானம் திரைப்படத்தின் ஃபர்ஸ்ட் லுக் போஸ்டரை நடிகர் தனுஷ் நேற்று வெளியிட்டார். இந்தப்படம் மூலம் சாய்பல்லவி குடும்பத்தில் இருந்து மற்றொருவர் சினிமாத்துறையில் கால்பதிக்கவுள்ளார். பிரேமம் படம் மூலம் அறிமுகம் ஆன சாய்பல்லவி, மலையாளம், தெலுங்கு, தமிழ் உள்ளிட்ட தென்னிந்திய மொழிகளில் நடித்து வருகிறார். இந்நிலையில் அவரது தங்கையும் சினிமாவில் கால்பதிக்கிறார்.
ஸ்டண்ட் மாஸ்டரான சில்வா இயக்கத்தில் உருவாகியுள்ள திரைப்படம் சித்திரை செவ்வானம்.
இப்படத்தில் சமுத்திரக்கனி, ரீமா உள்ளிட்ட பலர் நடித்துள்ளனர். இப்படத்தின் மூலம் சாய் பல்லவியின் தங்கை திரைத்துறையில் அறிமுகமாகவுள்ளார். இவர் ஏற்கெனவே சில குறும்படங்களில் நடித்திருந்தாலும் வெள்ளித்திரையில் இதுதான் முதல்படமாகும்.
இப்படம் நேரடியாக ஜீ5 ஓடிடியில் வெளியாகவுள்ளது. சாம் சி எஸ் இசையமைத்துள்ள இப்படத்தை இயக்குநர் விஜய் தயாரித்துள்ளார். சாய்பல்லவியின் தங்கை இயக்குநர் விஜயிடம் உதவி இயக்குநராக பணியாற்றி வந்தவர் என்பது குறிப்பிடத்தக்கது. இப்படம் டிசம்பர் 3ம் தேதி வெளியாகும் என அறிவிக்கப்பட்டுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்