கிரிக்கெட் உலகின் ஜாம்பவான் என அறியப்படும் சச்சின் டெண்டுல்கரின் மகள் சாரா. இவர் சமூக வலைத்தளங்களில் செம ஆக்டிவ். 1.6 மில்லியன் ஃபாலோவர்ஸ் சாராவிற்கு இன்ஸ்டாகிராம் பக்கத்தில் உள்ளனர். சச்சினின் மகன் , தந்தை எவ்வழியோ தானும் அவ்வழி என கிரிக்கெட்டை தேர்வு செய்துவிட்டார். ஆனால் சாரா என்ன செய்ய போகிறார் என நெட்டிசன்கள் அவ்வபோது சமூக வலைத்தளங்களில் டிஸ்கஸ் செய்வது வழக்கம். வெளிநாடுகளுக்கெல்லாம் சென்று படித்த சாரா, நிச்சயம் தொழிலதிபராகத்தான் வருவார் என்றனர் ஒரு தரப்பு . இன்னும் சிலரோ , பாலிவுட் பக்கம் நடிகையாக களமிறங்கும் அழகும் , திறமையும் சாராவிற்கு இருப்பதாக கிசுகிசுத்தனர். இந்த நிலையில் சாரா இன்ஸ்டாகிராம் பக்கத்தில் வெளியிட்ட வீடியோவின் அடிப்படையில் அவர் ஒரு மாடலாக களமிறங்கியிருப்பது உறுதியாகியுள்ளது.
சாரா டெண்டுல்கர் 1997 ஆம் ஆண்டு பிறந்தவர். அவருக்கு தற்போது 24 வயதாகிறது. இந்நிலையில் பிரபல ஆன்லைன் ஆடை நிறுவனம் ஒன்றுடன் இணைந்து சாரா பணியாற்றியுள்ளார். சச்சினின் மகள் மாடலாக களமிறங்கியிருப்பது , பாலிவுட் இயக்குநர்கள் பலரின் கவனத்தை ஈர்த்துள்ளதாம். விரைவில் அவர் பாலிவுட் பக்கம் கால் பதிக்க வாய்ப்புள்ளது என்கிறனர் சில ஊடகங்கள். சாரா தற்போது லண்டலில் வசித்து வருகிறார். ஆடை விளம்பரத்தை பகிர்ந்த அவர் , இந்தியாவில் மட்டுமே கிடைக்கும் என குறிப்பிட்டுள்ளார். அந்த விளம்பரத்தில் பனிதா சந்து மற்றும் தானியா ஷ்ராஃப் ஆகியோரும் இடம்பெற்றுள்ளனர்.
சாரா சமீபத்தில் வெளியிட்ட இன்ஸ்டாகிராம் ஸ்டோரியின் அடிப்படையில் அவர் கிரிக்கெட் வீரர் ஷூப்மன் கில்லை டேட் செய்து வருவதாக கிசுகிசுக்கப்பட்டதும் குறிப்பிடத்தக்கது.