தமிழ் சினிமாவில் புகழ் பெற்ற காமெடி நடிகர்களில் ஒருவர் கிரேஸி மோகன். அவர் காமெடி நடிகராக மட்டுமல்லாமல் சிறந்த காமெடி மற்றும் வசனகர்த்தாகவும் பணியாற்றினார். குறிப்பாக கமல்ஹாசன் திரைப்படங்களில் கிரேஸி மோகன் எழுதிய காமெடி காட்சிகள் மற்றும் வசனங்கள் நம்மை வயிறு குழுங்க சிரிக்க வைக்கும். காலத்திற்கும் அந்த காமெடி காட்சிகள் நீங்காமல் நமது மனதில் நிற்கும் வகையில் இருக்கும். அப்படி அந்தக் கூட்டணியில் அமைந்த டாப்-5 காமெடிகளை கிரேஸி மோகன் நினைவு நாளில் சற்று திரும்பி பார்ப்போம். 


1. மைக்கேல் மதன காமராஜன்:


கமல்ஹாசன் நடிப்பில் வெளியான மிகச்சிறந்த காமெடி படம் என்று இதை குறிப்பிடலாம். இந்தப் படத்தில் வரும் காமெடி காட்சிகள் நமக்கு சிரித்து வயிறு வழி ஏற்படும் வகையில் அமைந்திருக்கும். குறிப்பாக இப்படத்தில்,'திருப்பு திருப்பு னு சொன்னான் நான் ஸ்கூட்டரை திருப்பிட்டேன்' என்ற காட்சி மிகவும் சிறப்பாக இருக்கும். 


 



2. பஞ்சதந்திரம்:


இந்தக் கூட்டணியில் அமைந்த மற்றொரு  சிறப்பான காமெடி திரைப்படம் 'பஞ்சதந்திரம்'. இப்படத்தில் கமல்,யுகி சேது, ஜெயராம் உள்ளிட்ட ஐந்து நண்பர்கள் கூட்டணி நம்மை சிரிப்பு மழையில் நனைக்கும். இவர்களுடன் நாகேஷ் இணைந்து நம்மை மேலும் ரசிக்க வைத்திருப்பார். இப்படத்தில் குறிப்பாக முன்னாடி பின்னாடி என்ன இருந்தது என்ற காமெடி பெரிய ஹைலைட் ஆக அமைந்திருக்கும். அத்துடன் பெங்களூரு ட்ரிப் போக அவர்கள் செய்யும் திட்டம் மேலும் ஒரு படி சிரிப்பை அதிகரிக்கும்.


 



3. அவ்வை சண்முகி:


90 கிட்ஸ்களின் வாழ்வில் மறக்கமுடியாத திரைப்படங்களில் இந்தப் திரைப்படமும் ஒன்று. இதில் கமல்ஹாசன், ஜெமினி கணேசன் ஆகியோரின் நடிப்பில் காமெடி காட்சிகள் பெரும் ஹிட் அடித்தது. 


 



4.வசூல்ராஜா எம்பிபிஎஸ்:


வசூல்ராஜா எம்பிபிஎஸ் திரைப்படத்தில் இடம்பெற்ற காமெடி காட்சிகள் மிகவும் சிறப்பானதாக இருக்கும். இதில் கிரேஸி மோகனும் நடித்திருப்பார். அவர் இப்படத்தில் கூறும் 'தட் ஹைவுடூ ஐ நோ' சார் என்ற வசனம் பெரியளவில் ஹிட் ஆனது. அத்துடன் இந்தப் படத்தில் கமல்ஹாசன் மருத்துவராக நடிக்கும் காட்சிகள் சிரிப்பை வேறு கட்டத்திற்கு எடுத்து செல்லும்.


 



5. காதலா காதலா:


இந்தத் திரைப்படம் முழுக்க முழுக்க ஒரு காமெடி திரைப்படம். குறிப்பாக இதில் இடம்பெற்றுள்ள நூர் மஹால் காமெடி காட்சிகள் சிறப்பாக அமைந்திருக்கும். ராமலிங்கம் மற்றும் சுந்தரலிங்கம் என்ற கதாபாத்திரத்தில் கமல்ஹாசன் மற்றும் பிரபுதேவா ஆகியோர் சிறப்பாக நடித்திருப்பார்கள்.


 



இவை தவிர தேனாலி, பம்மல் கே சம்பந்தம் என இந்தக் கூட்டணி இன்னும் சில படங்களில் காமெடி காட்சிகள் ஹிட் அடித்து மாபெரும் வெற்றி பெற்றுள்ளன. 


மேலும் படிக்க:நீங்களும் சுந்தர் பிச்சை ஆக வேண்டுமா... இந்த 5 பாடல்கள் தான் ‛வார்ம் அப்’ !