காதலில் வயது முக்கியமில்லை. சிறியவரைக் காதலிக்க ரெடி, நம்மைக் காதலிப்பவர் நம்மை மாற்றாமல் இருக்க வேண்டும் என்பதுதான் முக்கியம் என நடிகை ராஷ்மிகா மந்தனா கூறியுள்ளார்.
தமிழில் சுல்தான் தெலுங்கில் கீத கோவிந்தம் உள்ளிட்ட பல படங்களில் நடித்துள்ளவர் ராஷ்மிகா மந்தனா. இந்தி திரையுலகில் பிசியாகிவிட்டதால் தற்போது மும்பையில் வீடு வாங்கி செட்டிலாகிவிட்டார். அண்மையில் ஊடகம் ஒன்றுக்குப் பேட்டி அளித்த அவர், தனது பெர்சனல் பக்கங்களைப் பகிர்ந்துள்ளார்.
அதில், ‘காதலுக்கு வயது முக்கியமில்லை.நமக்குப் பிடித்திருந்தால் வயது தடையாக இருக்காது. நம்மைக் காதலிப்பவர் நம்மை மாற்றாமல் இருக்கவேண்டும் அதுதான் முக்கியம். மேலும், ஆண்கள் சட்டையில்லாமல் போட்டோக்களுக்குப் போஸ் கொடுப்பது பிடிக்காது. ஜிம் சென்று ஃபிட்னஸாக வைத்திருப்பது வேறு. அதற்காக உடலைக் காண்பிக்க வேண்டும் என்பது அவசியமில்லை. அது எனக்குப் பிடிக்காது’ என ஓபன் டாக் விடுத்துள்ளார் ராஷ்மிகா.