ராஜமௌளி இயக்கத்தில் பிரம்மாண்ட பொருட்செலவில் , மிரட்டலாக உருவாகியுள்ள திரைப்படம் ‘ஆர்.ஆர்.ஆர்’ . இந்த படத்தின் பாடல்கள் மற்றும் டிரைலர் சமீபத்தில் வெளியாகி பலரின் கவனத்தை ஈர்த்தது. ராம் சரண் மற்றும் ஜூனியர் என்.டி.ஆர் நடிப்பில் உருவாகியுள்ள இந்த திரைப்படத்தின் புரமோஷன் வேலைகள் தற்போது முழு வீச்சில் நடைப்பெற்று வருகிறது.ஆலியா பட், சமுத்திரகனி, அஜய் தேவ்கன் உள்ளிட்ட நட்சத்திரங்கள் முக்கிய கதாபாத்திரங்களில் நடித்துள்ளனர். தமிழ், தெலுங்கு, ஹிந்தி, மலையாளம், கன்னடம் ஆகிய 5 மொழிகளில் பிரமாண்டமாக உருவாகியுள்ள இந்த படத்திற்கு கீரவாணி (மரகதமணி) இசையமைத்துள்ளார். பாடலாசிரியர் மதன் கார்க்கி வசனம் எழுதியுள்ளார். இவர் ஏற்கனவே பாகுபலி படத்துக்கு வசனம் எழுதியிருந்தார் என்பது குறிப்பிடத்தக்கது. RRR திரைப்படம் வருகிற ஜனவரி 7 ஆம் தேதி வெளியாக உள்ளது.
தற்போது படத்தின் புரமோஷன் வேலைகளில் ஈடுபட்டுள்ள படக்குழுவினர் சமீபத்தில் நேர்காணல் ஒன்றில் பங்கேற்றனர் அப்போது ராம் சரணிடம் சில கேள்விகள் கேட்கப்பட்டது. அதாவது திரைத்துறையை சேர்ந்த சில பிரபலங்களின் பெயரை சொல்லும் பொழுது அவர்கள் குறித்தான எண்ணங்களை படக்குழுவினர் தெரிவிக்க வேண்டும்.அப்போது தொகுப்பாளர் ‘சமந்தா’ என்ற பெயரை சொல்ல , திரும்பி வா...இன்னும் பெருசா...ஸ்ட்ராங்கா.. என பதில் கொடுத்துள்ளார். இது இணையத்தில் வைரலாகவே , இதனை சமந்தா ஹார்ட் எமோஜியுடன் ஷேர் செய்துள்ளார்.
சமந்தா விவாகரத்திற்கு பிறகு நிறைய சவால்களை சந்திக்க நேரிட்டது. ஆனாலும் தனது நண்பர்கள் மற்றும் சில ரசிகர்களின் ஆதரவால் அவர் தன்னை எப்போதுமே நேர்மறையாக வைத்துக்கொள்ள முயற்சிகள் செய்து வருகிறார். விவாகரத்திற்கு முன்னதாக சினிமாவில் இருந்து ஓய்வெடுக்க போவதாக அறிவித்த சமந்தா. விவாகரத்தை அதிகாரப்பூர்வமாக அறிவித்த பின்னர் அடுத்தடுத்த படங்களில் கையெழுத்திட்டார் தற்போது பாலிவு, ஹாலிவுட் என கலக்கி வருகிறார். அவர் இந்திய சினிமாவில் மாபெரும் வெற்றியை பதிவு செய்ய வாழ்த்துக்கள்.