வேட்டையன்
ரஜினிகாந்த் நடித்துள்ள வேட்டையன் திரைப்படம் நாளை அக்டோபர் 10 ஆம் தேதி வெளியாக இருக்கிறது. த.செ.ஞானவேல் இயக்கியுள்ள இப்படத்தில் அமிதாப் பச்சன் , ஃபகத் ஃபாசில் , மஞ்சு வாரியர் , ரித்திகா சிங் , துஷாரா விஜயன் , ரானா டகுபடி , கிஷோர் , அபிராமி , விஜய் டிவி ரக்ஷன் உள்ளிட்டவர்கள் நடித்துள்ளார்கள். அனிருத் இசையமைத்துள்ளார். லைகா ப்ரோடக்ஷன்ஸ் இப்படத்தை தயாரித்துள்ளது. தமிழ் , தெலுங்கு , இந்தி , மலையாளம் , கன்னடம் உள்ளிட்ட மொழிகளில் இப்படம் வெளியாக இருக்கிறது
முன்பதிவுகளில் வசூலை அள்ளும் வேட்டையன்
கடந்த ஆண்டு ஜெயிலர் திரைப்படத்தின் ப்ளாக்பஸ்டர் வெற்றிக்குப் பின் வேட்டையன் திரைப்படம் வெளியாவதால் இப்படத்தின் மீது அதிகளவிலான எதிர்பார்ப்பு இருந்து வருகிறது. வேட்டையன் திரைப்படத்தின் வெளிநாட்டு ரிலீஸ் உரிமம் ரூ 45 கோடிக்கு விற்பனை செய்யப்பட்டுள்ளதாக தகவல்கள் வெளியாகியுள்ளன. அதே நேரத்தில் தமிழ்நாட்டில் இப்படத்தின் வெளியீட்டு 73 கோடிக்கு விற்பனை செய்யப்பட்டுள்ளதாகவும் ஆந்திரா மற்றும் தெலங்கானாவில் 17 கோடியும் மற்ற மாநிலங்களில் வெளியீட்டு உரிமம் 25 கோடிக்கு விற்பனை செய்யப்பட்டுள்ளதாகவும் சாக்னிக் தளம் தகவல் வெளியிட்டுள்ளது. உலகளவில் மொத்தம் 160 கோடிக்கு இப்படம் விற்பனை செய்யப்பட்டுள்ளது. வேட்டையன் படம் போட்ட உலகளவில் திரையரங்கங்களில் 300 கோடிக்கு மேல் வசூல் ஈட்டினால் தயாரிப்பாளர் மற்றும் விநியோகஸ்தர்கள் ஆகிய இருதரப்பினருக்கும் நஷ்டம் இருக்காது.
இந்தியன் 2 வசூலை முந்திய வேட்டையன்
வேட்டையன் திரைப்படம் முன்பதிவுகள் படுவேகமாக நடைபெற்று வருகின்றன. இதுவரை முன்பதிவுகளின் வழி படம் 14 கோடிக்கும் மேல் வசூல் ஈட்டியுள்ளதாக தகவல்கள் வெளியாகியுள்ளன. சமீபத்தில் வெளியான கமலின் இந்தியன் 2 திரைப்படம் முன்பதிவுகளில் 11.20 கோடி வசூலித்திருந்தது. தற்போது இந்தியன் 2 படத்தின் முன்பதிவு வசூலை வேட்டையன் படம் முறியடித்துள்ளது. இரண்டு படங்களையும் லைகா நிறுவனம் தயாரித்திருப்பது என்பது ஒரு கூடுதல் மகிழ்ச்சியான தகவல்
விஜய் நடித்த தி கோட் திரைப்படம் முதல் நாள் முன்பதிவுகளின் வழியாக 2ரூ 24 கோடி வசூலித்திருந்தது குறிப்பிடத் தக்கது.