ஜெயிலர் படத்தின் இரண்டாவது சிங்கிள் 'ஹூக்கும்' பாடலின் பிரிவியூ வீடியோ தற்போது வெளியாகி ரசிகர்களை கொண்டாட செய்துள்ளது.
சன் பிக்சர்ஸ் நிறுவனத்தின் தயாரிப்பில் நெல்சன் திலீப்குமார் இயக்கத்தில் நடிகர் ரஜினிகாந்த் நடித்துள்ள திரைப்படம் 'ஜெயிலர்'. முத்துவேல் பாண்டியன் என்ற கதாபாத்திரத்தில் ரஜினி நடிக்கிறார். தமன்னா, ரம்யா கிருஷ்ணன், சிவராஜ்குமார், ஜாக்கி ஷெராஃப், மோகன்லால், சுனில், வசந்த் ரவி, விநாயகன் என மிக பெரிய திரை பட்டாளம் நடித்துள்ள இப்படம் ஆகஸ்ட் 10 ஆம் தேதி திரையரங்குகளில் வெளியாக உள்ளது என்ற அறிவிப்பு ஏற்கனவே வெளியாகி ரசிகர்களை உற்சாகம் அடைய செய்தது.
கடந்தாண்டு ஜெயிலர் படத்தின் படப்பிடிப்பு தொடங்கப்பட்டு கடந்த சில வாரங்களுக்கு முன்னர் தான் முழுமையாக நிறைவடைந்தது. அதன் தொடர்ச்சியாக போஸ்ட் புரொடக்ஷன்ஸ் பணிகள் தீவிரமாக நடைபெற்று வருகிறது. படத்தின் அப்டேட்டுக்காக ரசிகர்கள் ஆவலுடன் காத்துகொண்டு இருந்த சமயத்தில் இயக்குனர் நெல்சன் தனது ஜாலியான ஸ்டைல் வீடியோ மூலம் படத்தின் முதல் சிங்கிள் பாடலான 'காவாலா' பாடலை வெளியிட்டனர். அப்பாடல் பட்டி தொட்டி எல்லாம் மிகவும் பிரபலமாகி வெளியான சிறிது நேரத்திலேயே பல லட்சம் லைக்ஸ்களை யூடியூபில் குவித்தது.
அதன் தொடர்ச்சியாக ‘ஹூக்கும்’ என தொடங்கும் இரண்டாவது சிங்கிள் பாடலின் முன்னோட்ட வீடியோ இன்று மாலை 6 மணிக்கு வெளியாகும் என அறிவிப்பை படக்குழு வெளியிட்டு ரசிகர்களை திக்குமுக்காட செய்தது. அப்பாடலின் முழு பாடல் வரும் ஜூலை 17ம் வெளியிடப்படவுள்ளது. இன்னும் 'காவாலா' பாடலின் ரீல்ஸ்களில் இருந்தே வெளிவராத சூப்பர் ஸ்டார் ரசிகர்களுக்கு இந்த செய்தி இன்ப செய்தியாக இருந்தது. அதை மேலும் அதிகரிக்கும் விதத்தில் ‘ஹூக்கும்’ பாடலின் பிரிவியூ வீடியோ தற்போது வெளியாகி இணையத்தில் வைரலாகி வருகிறது.
விரைவில் ஜெயிலர் படத்தின் இசை வெளியீட்டு விழா, சென்னை நேரு உள்விளையாட்டு அரங்கில் பிரமாண்டமாக நடைபெற திட்டமிட்டுள்ளதாக கூறப்படுகிறது.