ரஜினிகாந்த் நடித்துள்ள ஜெயிலர் படத்தின் முக்கிய காட்சிகள் கிளைமேக்ஸில் நீக்கப்பட்டதாக எடிட்டர் நிர்மல் சொன்னது சமூக வலைத்தளங்களில் வைரலாக பரவி வருகிறது.
தமிழ் சினிமாவின் சூப்பர் ஸ்டார் ரஜினிகாந்த் நடிப்பில் 169வது படமாக ‘ஜெயிலர்’ கடந்த ஆகஸ்ட் 10 ஆம் தேதி வெளியானது. தமன்னா, ரம்யா கிருஷ்ணன், யோகிபாபு, சிவராஜ் குமார், சுனில், ஜாக்கி ஷெராஃப் ,யோகிபாபு, விநாயகம், வசந்த் ரவி, யோகிபாபு உள்ளிட்ட பல முன்னணி நட்சத்திரங்கள் நடித்துள்ள இப்படத்தை நெல்சன் திலீப்குமார் இயக்கியுள்ளார். திரையிட்ட இடமெல்லாம் ஹவுஸ்ஃபுல் காட்சிகளாக ஜெயிலர் படம் ஓடிக் கொண்டிருக்கும் நிலையில் வசூலிலும் நல்ல சாதனைப் படைத்து வருகிறது.
இந்தியாவில் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகியுள்ள இப்படத்தை சன் பிக்சர்ஸ் நிறுவனம் தயாரித்துள்ளது. அனிருத்தின் இசையில் பாடல்கள் அனைத்தும் பெரும் வரவேற்பை பெற்றுள்ள நிலையில், ட்ரெய்லர் மிகப்பெரிய அளவில் ரசிகர்களை கவர்ந்திருந்தது. பெரும் எதிர்பார்ப்புகளுக்கிடையே வெளியான ஜெயிலர் படம் கடந்த 3 நாட்களில் இந்தியாவில் மட்டும் ரூ.100 கோடி வசூலை பெற்றுள்ளது.
இதுமட்டுமல்லாமல் வெளிநாடுகளில் படம் ஈட்டிய வசூலை சேர்த்தால் ரூ.150 கோடியை தாண்டும் என்பதால் ரஜினி ரசிகர்கள் மகிழ்ச்சியடைந்தனர். அவர் தான் என்றும் சூப்பர் ஸ்டார் என நிரூபித்துள்ளதாக சமூக வலைத்தளங்களில் கொண்டாடி வருகின்றனர். இப்படியான நிலையில் 2 மணி நேரம் 50 நிமிடம் ஓடக்கூடிய ஜெயிலர் படம் இரண்டாம் பாதியில் சற்று சலிப்பை ஏற்படுத்துவதாக ரசிகர்கள் பெரும்பாலானோர் ஃபீல் செய்தனர். இதனை சமூக வலைத்தளங்களில் தெரிவித்தனர்.
இப்படியான நிலையில் ஜெயிலர் படத்தின் படத்தின் தொகுப்பாளர் நிர்மல், “ஆடியன்ஸை பொறுத்தவரை ஜெயிலர் படத்தில் சுனில் நடித்துள்ள போர்ஷன் மைனஸாக இருப்பதாக தோன்றுவதாக தெரிவித்தார்கள். கதை என்னவோ அதை நான் சொல்லி தான் ஆக வேண்டும். ஒரு இறக்கம் இருந்தால் தான் ஏற்றமான காட்சிகள் வைக்க முடியும். ஆனால் இரண்டாம் பாதியில் தான் ரஜினி, சிவராஜ்குமார், மோகன்லால், ஜாக்கி ஷெராப் உள்ளிட்ட அனைவரும் வரும் காட்சிகள் வைக்கப்பட்டுள்ளது.
இதேபோல் ஜெயிலர் படத்தின் கிளைமாக்ஸின் ரஜினி, சிவராஜ்குமார், மோகன்லால் புகைப்பிடிக்கும் சில காட்சிகளை சென்சார் நீக்கி விட்டதாகவும், அந்த காட்சி மட்டும் இடம்பெற்றிருந்தால் படம் இன்னும் சிறப்பாக இருந்திருக்கும்” என நிர்மல் தெரிவித்துள்ளார். இதனைப் பார்த்த ரசிகர்கள் நீக்கப்பட்ட அந்த காட்சியை விரைவில் இணையத்தில் வெளியிட வேண்டும் என கோரிக்கை விடுத்துள்ளனர்.