சூப்பர் ஸ்டார் ரஜினிகாந்த் நடிப்பில் வெளியாகியுள்ள ‘அண்ணாத்த’ படம் கலவையான விமர்சனைங்களை பெற்று வந்தாலும், வசூலில் எந்த ஏமாற்றத்தையும் கொடுக்காமல் பட்டையை கிளப்பி வருகிறது.
இந்த நிலையில், ரஜினிகாந்த பேசிய பழைய வீடியோ ஒன்றை அவரது ரசிகர் ஒருவர் தனது டுவிட்டர் பக்கத்தில் பகிர்ந்துள்ளார். 1996 ஆம் ஆண்டு ரஜினிகாந்த் சினிமாவின் உச்சத்தில் இருந்தபோது செய்தியாளர்களுக்கு பேட்டி அளித்த வீடியோவாக தெரிகிறது. அதில், ரஜினிகாந்த் தான் கருப்பு பணம் வாங்கியது குறித்தும், மறைந்த முதலமைச்சர் ஜெயலலிதா குறித்தும் பேசியுள்ளார். இந்த வீடியோ தற்போது ரஜினி ரசிகர்களிடையே பரவி வைரலாகி வருகிறது. ரஜினியின் தைரியம் குறித்து குறிப்பிட்ட அந்த ரசிகர், தற்போது உள்ள நடிகர்களுக்கு உள்ளதா என்றும் கேள்வி எழுப்பியுள்ளார்.
முன்னதாக, அண்ணாத்த படம் வெளியான இரண்டு நாள்களில் உலகளவில் 100 கோடி ரூபாய் வசூல் செய்திருப்பதாக தகவல் வெளியாகியுள்ளது. அதன்படி முதல் நாளில் 70.19 கோடி ரூபாயும், இரண்டாவது நாளில் 42.63 கோடி ரூபாயும் என மொத்தம் 112.82 கோடி ரூபாய் வசூல் செய்துள்ளதாக கூறப்படுகிறது. இதனால் ரஜினி ரசிகர்கள் உற்சாகமடைந்துள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்