நீரிழவு நோயால் கால் பாதிக்கப்பட்டு அவதிப்பட்டு வரும் தயாரிப்பாளர் வி.ஏ.துரைக்கு உதவுவதாக நடிகர் ரஜினிகாந்த் உறுதியளித்துள்ளதாகத் தகவல் வெளியாகியுள்ளது.
கோலிவுட்டில் பாலா இயக்கத்தில் வெளியான பிதாமகன், விஜயகாந்த் நடித்த கஜேந்திரா உள்ளிட்ட பல படங்களைத் தயாரித்தவர் தயாரிப்பாளர் வி.ஏ.துரை. எவர் க்ரீன் மூவிஸ் என்ற தயாரிப்பு நிறுவனத்தைக் கொண்டு ‘என்னம்மா கண்ணு’, ‘லூட்டி’ உள்ளிட்ட பல படங்களை வி.ஏ. துரை தயாரித்துள்ளார்.
இந்நிலையில், கடந்த சில ஆண்டுகளாக நீரிழிவு நோய் காரணமாக தயாரிப்பாளர் துரை கடுமையாக பாதிக்கப்பட்டதுடன், சிகிச்சை பெறக்கூட பணமின்றி துரை அவதிப்பட்டு வருவதாகவும் கடந்த சில நாள்களுக்கு முன் வீடியோ ஒன்று வெளியாகி இணையத்தில் வைரலானது.
முன்னதாக சினிமா மோகத்தால் தன் சொத்துகள் முழுவதையும் இழந்ததாகவும், சிறு வடுவாகத் தோன்றியது இன்று இப்படி வளர்ந்திருப்பதாகவும் துரை நேர்காணல் ஒன்றில் வருந்தியிருந்தார். இயக்குநர் பாலா தன்னிடம் 25 லட்ச ரூபாய் பணம் வாங்கிவிட்டு பணமே வாங்கவில்லை எனக்கூறியதாகவும் அவர் வருத்தம் தெரிவித்திருந்தார்.
இந்நிலையில், நடிகர் ரஜினிகாந்திடம் தனது நிலையை எடுத்துக்கூறி உதவுமாறும் முன்னதாக வி.ஏ.துரை சார்பில் இந்த வீடியோவில் கோரிக்கை விடுக்கப்பட்டிருந்தது.
நடிகர் ரஜினியுடன் 25 படங்களில் உதவி , இணை இயக்குநராக வி.ஏ.துரை பணியாற்றியதுடன்,பாபா படத்தில் எக்ஸிக்யூட்டிவ் தயாரிப்பாளராகவும் துரை வேலை செய்துள்ளார். ரஜினியுடன் இவர் நல்ல நட்பைக் கொண்டிருந்த நிலையில், முன்னதாக ரஜினியிடம் இவருக்காக கோரிக்கை விடுக்கப்பட்டது.
இந்நிலையில், முன்னதாக வி.ஏ.துரையை செல்ஃபோனில் அழைத்து நான் பார்த்துக் கொள்கிறேன், கவலைப்படாதீர்கள் என நம்பிக்கைத் தெரிவித்துள்ளதாக தகவல் வெளியாகியுள்ளது. மேலும், ஜெயிலர் படப்பிடிப்பு முடிந்ததும் நேரில் வந்து பார்ப்பதாக ரஜினிகாந்த் கூறியதாகவும் தகவல் வெளியாகியுள்ளது.
முன்னதாக பிதாமகன் படத்தைத் தயாரித்த வி.ஏ.துரையின் நிலையை அறிந்து நடிகர் சூர்யா இரண்டு லட்ச ரூபாயும், நடிகர் கருணாஸ் 50000 ரூபாய் பண உதவி செய்ததாகவும் முன்னதாகத் தகவல் வெளியானது.
மேலும் முன்னதாக இயக்குநர் எஸ்.பி.முத்துராமன் உதவியால் மருத்துவமனையில் இருந்து சிகிச்சைப் பற்றி வீடு திரும்பியதாகவும், இருப்பினும் தன் அன்றாட செலவுகளுக்கு வி.ஏ.துரை அவதிப்பட்டு வருவதாகவும் முன்னதாகத் தகவல் வெளியானது குறிப்பிடத்தக்கது.
மேலும் படிக்க: Archana Gautam: பிக்பாஸ் பிரபலத்திற்கு கொலை மிரட்டல்... சிக்கும் பிரியங்கா காந்தியின் உதவியாளர்...பாலிவுட்டில் பரபரப்பு