பிரபல நடிகரான ராகவா லாரன்ஸின் தம்பி எல்வின் நாயகனாக அறிமுகமாகிறார்.
பிரபல நடன இயக்குநரான ராகவா லாரன்ஸ் நடிகராகவும் இயக்குநராகவும் கலக்கி வருகிறார். தற்போது ருத்ரன் படத்தில் நடித்து முடித்திருக்கும் லாரன்ஸ் அடுத்ததாக பி.வாசு இயக்கத்தில் உருவாக இருக்கும் சந்திரமுகி 2 படத்தில் நடிக்க இருக்கிறார். இந்த நிலையில் அவர் தற்போது தம்பி எல்வின் நாயகனாக அறிமுகமாகும் படம் குறித்தான அப்டேட்டை தனது ட்விட்டர் பக்கத்தில் வெளியிட்டுள்ளார். அதில் “ எனது தம்பி எல்வின் இந்தப்படத்தில் நாயகனாக அறிமுகமாகிறார். உங்களது ஆசீர்வாதம் வேண்டும்” என்று பதிவிட்டு இருக்கிறார்.
இந்தப்படத்தில் ராகவா லாரன்ஸூம் நடிக்கிறார். இந்தப்படத்தை பிரபல இயக்குநரான கே.எஸ் ரவிக்குமார் இயக்குகிறார். படத்தில் நடிக்கும் கலைஞர்களின் விவரம் விரைவில் வெளியிடப்படும் என அறிவிக்கப்பட்டிருக்கிறது. Trident arts நிறுவனம் தயாரிக்கும் இந்தப்படத்தின் பூஜை இன்று துவங்கியுள்ளது.
முன்னதாக காஞ்சனா 2 படத்தில் இடம் பெற்ற, “சில்லட்ட பில்லட்ட” பாடலில் ராகவா லாரன்ஸூடன் இணைந்து எல்வினும் நடனம் ஆடியிருந்தார். அவரது நடனம் ரசிகர்கள் மத்தியில் மிகப்பெரிய வரவேற்பை பெற்றது குறிப்பிடத்தக்கது. தமிழில் லிங்கா படத்திற்கு பிறகு கே.எஸ்.ரவிக்குமார் இயக்கும் படம் என்பதால் இந்தப்படத்தின் மீதான எதிர்பார்ப்பு அதிகரித்துள்ளது.