Just In
Oscar 2025: ஆஸ்கார் விருதை தவற விட்ட பிரியங்கா சோப்ராவின் அனுஜா ஷார்ட் பிலிம்!
அமெரிக்காவின் லாஸ் ஏஞ்சல்ஸ் நகரில் ஆஸ்கார் விருது விழா கோலாகலமாக நடைபெற்ற நிலையில் இதில் குறும்படத்திற்கான பிரிவில் பிரியங்கா சோப்ராவின் அனுஜா என்ற ஷார்ட் பிலிம் ஆஸ்கார் விருதை தவறவிட்டுள்ளது.
அமெரிக்காவின் லாஸ் ஏஞ்சல்ஸ் நகரில் இந்த 2025 ஆம் ஆண்டுக்கான 97ஆவது ஆஸ்கார் விருது வழங்கும் விழா நடைபெற்றது. இதில், சிறந்த நடிகர், சிறந்த நடிகை, இசையமைப்பாளர், தொழில்நுட்ப கலைஞர்கள், சிறந்த அனிமேஷன் படம், சிறந்த துணை நடிகர் என்று பல பிரிவுகளுக்கு ஆஸ்கார் விருது வழங்கப்பட்டது.
இந்த நிலையில் தான் சிறந்த நேரடி ஆக்ஷன் குறும்படத்திற்கான பிரிவில் பிரியங்கா சோப்ராவின் அனுஜா என்ற குறும்படம் ஆஸ்கார் விருதை தவறவிட்டுள்ளது.
சிறந்த ஆக்ஷன் குறும்படத்திற்கான ஆஸ்கார் விருதுக்கு அனுஜா, ஏ லியன், ஐ’ம் நாட் எ ரோபோ, தி லாஸ்ட் ரேஞ்சர் மற்றும் தி மேன் ஹூ குட் நாட் ரிமைன் சைலண்ட் ஆகிய படங்கள் பரிந்துரைக்கப்பட்டது. இதில், பிரியங்கா சோப்ராவின் அனுஜா என்ற குறும்படம் ஆஸ்கார் விருதை தவறவிட்டுள்ளது. மேலும், ஆடம் ஜே கிரேவ்ஸ் இயக்கிய இந்தப் படத்தில் அனுஜா என்ற பெண் ரோலில் சஜ்தா பதான் நடித்திருந்தார்.
பெண்களை மையப்படுத்திய இந்த குறும்படத்தில் அனன்யா ஷான்பாக், சுஷீல் பர்வானா, நாகேஷ் போஸ்லே, குல்ஷன் வாலியா, ஜூகல் கிஷோர், பங்கஜ் குப்தா ஆகியோர் பலர் நடித்திருந்தனர். பிரியங்கா சோப்ரா இந்த குறும்படத்தை தயாரித்திருந்தார். கடந்த 2024 ஆம் ஆண்டு ஆகஸ்ட் 17ஆம் தேதி வெளியான இந்த குறும்படம் பிப்ரவரி 5 ஆம் தேதி நெட்பிளிக்ஸ் ஓடிடி தளத்தில் வெளியானது.
ஆடை தொழிற்சாலையில் வேலை பார்க்கும் அனுஜா எப்படி தனது குடும்பத்தை கவனித்துக் கொள்கிறார் என்ற கருவை மையப்படுத்தி இந்த அனுஜா குறும்படம் எடுக்கப்பட்டது. இந்த படம் ஆஸ்கார் விருதுக்கான பரிந்துரை பட்டியலில் இடம் பெற்றிருந்தாலும் அனுஜாவிற்கு விருது கிடைக்கவில்லை. அதற்கு பதிலாக I'm Not A Robot என்ற குறும்படம் சிறந்த ஆக்ஷன் ஷார்ட்பிலிம் பிரிவில் ஆஸ்கார் விருதை வென்றுள்ளது.