நடிகர் தனுஷ் பிறந்தநாளை முன்னிட்டு நடிகர் பிரசன்னா அவர் பியானோ வாசிக்கும் வீடியோவை பகிர்ந்து வாழ்த்து தெரிவித்து இருக்கிறார்.
நடிகர் பிரசன்னா தனது இன்ஸ்டாகிராம் பக்கத்தில் தனுஷ் பியானோ வாசிக்கும் வீடியோவை பகிர்ந்து, நடிகர் தனுஷ் அவரது இந்த பிறந்த நாளில், இன்னும் பெரிய உயரங்களையும், இன்னும் அதிகமான மகிழ்ச்சியை அடைய வாழ்த்துகிறேன். இதனை அவரது ரசிகர்களுடன் பகிர்ந்து கொள்வதை விட வேற என்ன அழகாக இருந்து விட முடியும்.” என்று பதிவிட்டு இருக்கிறார். நடிகர் தனுஷ் இயக்குநராக அறிமுகமான ‘ பவர் பாண்டி’ படத்தில் பிரசன்னா நடித்திருந்தது குறிப்பிடத்தக்கது.
நடிகர் தனுஷ் இன்று தனது 38 ஆவது பிறந்தநாளை கொண்டாடுகிறார். இதனை முன்னிட்டு நேற்று இரவிலிருந்தே ரசிகர்கள், பிரபலங்கள் என பலரும் அவருக்கு பிறந்தநாள் வாழ்த்துகளை தெரிவித்து வருகின்றனர்.
முன்னதாக, அவரது பிறந்தநாளை முன்னிட்டு அவரது நடிப்பில் வெளியாக உள்ள ‘திருச்சிற்றம்பலம்’ படத்தில் இருந்து லைஃப் ஆப் பழம் பாடல், ‘நானே வருவேன்’ படத்திலிருந்து அப்டேட்டுடன் கூடிய போஸ்டர், தெலுங்கு மற்றும் தமிழில் வெளியாக இருக்கும் ‘வாத்தி’ படத்தின் போஸ்டர்கள் வெளியிடப்பட்டன. இன்று மாலை இந்தப்படத்தின் டீசர் வெளியாக உள்ளது குறிப்பிடத்தக்கது.