இன்றைய தலைமுறையினர் மத்தியில் நடிகர்கள் எந்த அளவிற்கு பிரபலமாக இருக்கிறார்களோ அதே போல யூடியூபர்களுக்கும் ஏராளமான ரசிகர்கள் இருந்து வருகிறார்கள். அப்படி உணவு பிரியராக யூடியூபில் பிரபலமானவர் இர்பான். இவரின் யூடியூப் சேனலை 3.53 மில்லியன் சப்ஸ்கரைபர்கள் பின்தொடருகிறார்கள்.
பிரபலமான யூடியூபர் :
பலவகையான உணவுகள் குறித்து பலருடன் கலந்துரையாடல் செய்யும் இவரின் வீடியோக்கள் சோசியல் மீடியாவில் மிகவும் வைரல். இந்தியா மட்டுமின்றி உலகளவில் உள்ள பல ஹோட்டல்களின் உணவுகள் குறித்த வீடியோவையும் தனது யூடியூப் சேனலில் பதிவேற்றி உள்ளார். உணவு குறித்த வீடியோ மட்டுமின்றி பல சாகச வீடியோக்களையும் போஸ்ட் செய்துள்ளார். இவருக்கு ஏராளமான ரசிகர்கள் உள்ளனர்.
மிகவும் பிரபலமான இர்பான் சமீப காலமாக பல அரசியல் தலைவர்கள், திரை பிரபலங்கள் என பல செலிபிரிட்டிகளை நேரில் சந்தித்து அவர்களுடன் கலந்துரையாடி வீடியோக்களை சோசியல் மீடியாவில் பதிவிட்டு வருகிறார். இந்த வீடியோக்களும் ரசிகர்கள் மத்தியில் நல்ல வரவேற்பை பெற்றது.
உலகநாயகனை நேரில் சந்தித்த இர்பான் :
இர்பான் தற்போது பல பிரபலங்களை தாய் மற்றும் சகோதரியுடன் நேரில் சென்று சந்தித்து தனது திருமண அழைப்பிதழை வழங்கி வருகிறார். வரும் 14ம் தேதி இர்பானுக்கு திருமணம் நடைபெற உள்ளது. இதை முன்னிட்டு அவர் தற்போது உலகநாயகன் கமல்ஹாசனை குடும்பத்துடன் நேரில் சந்தித்து அழைப்பிதழ் வழங்கியுள்ளார். அதன் புகைப்படங்களை தனது சோசியல் மீடியா பக்கத்தில் பகிர்ந்துள்ளார். இந்த போஸ்ட் வைரலாக பகிரப்பட்டு லைக்ஸ்களை குவித்து வருகிறது.
அந்த வகையில் சில திங்களுக்கு முன்னர் ஆளுநர் ஆர். என். ரவியை குடும்பத்துடன் நேரில் சந்தித்து திருமண அழைப்பிதழை வழங்கியுள்ளார். அந்த புகைப்படமும் சோசியல் மீடியாவில் வைரலாகியது என்பது குறிப்பிடத்தக்கது.
நிறுத்தப்பட்ட திருமணம் :
இர்பானுக்கு கடந்த 2021ம் ஆண்டு நிச்சயதார்த்தம் நடைபெற்று ஆறு மாத இடைவெளியில் திருமணம் நடைபெறுவதாக இருந்தது. ஆனால் இர்பான் அந்த திருமணத்தை நிறுத்தி விட்டார். மணப்பெண்ணின் கருத்துக்களும் இர்பான் கருத்துக்களும் ஒத்துப்போகாத காரணத்தால் இர்பானே திருமணத்தை நிறுத்தியதாக அவரே ஒரு வீடியோ ஒன்றை பதிவிட்டு மனரீதியாக தான் மிகவும் பாதிக்கப்பட்டு இருப்பதாக தெரிவித்து இருந்தார் என்பது குறிப்பிடத்தக்கது.