Just In
போஸ் வெங்கட் முதல் நீலிமா ராணி வரை... ரீ-யூனியனுக்காக ஒன்றிணைந்த 90ஸ் சீரியல் பிரபலங்கள்
கொரோனா ஊரடங்கின் போது பழைய சீரியல்களை சேனல்கள் மீண்டும் கையில் எடுத்தப் போது அது டிஆர்பியில் தற்போதைய சீரியல்களை பின்னுக்கு தள்ளியது.
90களின் தமிழில் பிரபலமாக இருந்த சீரியல் நட்சத்திரங்கள் ஒன்றிணைந்த புகைப்படங்கள் ஒன்று வைரலாகி வருகிறது.
கடந்த 2018 ஆம் ஆண்டு விஜய் சேதுபதி, த்ரிஷா நடிப்பில் ‘96’ படம் வெளியானது. பள்ளி நண்பர்கள் ரீ-யூனியனில் மீண்டும் சந்திக்கும் போது என்ன நடக்கும் என்பதை அடிப்படையாக கொண்டு எடுக்கப்பட்ட இப்படம் தமிழ் சினிமா ரசிகர்களிடையே மிகப்பெரிய வரவேற்பை பெற்றது. இதனைத் தொடர்ந்து பல இடங்களில் ரீ-யூனியன் சம்பவங்கள் நடைபெற்றன. தங்களது பள்ளி, கல்லூரி நண்பர்களை நீண்ட வருடங்களுக்குப் பிறகு பார்த்து சிலாகித்து நெகிழ்ந்த புகைப்படங்கள், வீடியோக்கள் இணையவாசிகளை மகிழ்ச்சியில் ஆழ்த்தியது.
2019 ஆம் ஆண்டு தென்னிந்திய 80ஸ் காலகட்டத்தில் நடித்த நடிகர், நடிகைகள் ரீ-யூனியன் புகைப்படங்கள் வைரலாகின. இந்நிலையில் 90களின் தமிழில் பிரபலமாக இருந்த சீரியல் நட்சத்திரங்கள் ஒன்றிணைந்த புகைப்படங்கள் வெளியாகி ரசிகர்களிடையே வரவேற்பை பெற்றுள்ளன. இன்றைக்கும் 90ஸ் கிட்ஸ்களால் மறக்க முடியாத அக்கால சீரியல்கள் பல உள்ளது. கொரோனா ஊரடங்கின் போது பழைய சீரியல்களை சேனல்கள் மீண்டும் கையில் எடுத்தப் போது அது டிஆர்பியில் தற்போதைய சீரியல்களை பின்னுக்கு தள்ளியது.
கடந்த ஆகஸ்ட் 14 ஆம் தேதி நடந்த இந்த ரீ-யூனியனில் அம்மு ராமச்சந்திரன், அஞ்சு, அப்சர், பானு பிரகாஷ், போஸ் வெங்கட், சிட்டி பாபு, தீபக், தேவி கிருபா, கணேஷ்கர், கோல்டன் சுரேஷ், கௌதம் சுந்தர்ராஜன், ஹரதி கணேஷ்கர், ஹரிஸ் ஆதித்யா, ஈஸ்வர், கமலேஷ், கௌசிக், கே.எஸ்.ஜி. வெங்கடேஷ், நீலிமா இசை, நிர்மலா ஷியாம், தொலைக்காட்சிப் பிரபலங்களின் சந்திப்பு என்று தலைப்பிடப்பட்ட இந்த சந்திப்பில் பூஜா, பிரேம், ராகவி சசி, ரிந்தியா, ரிஷி, ரோஜாஸ்ரீ, ஷில்பா, ஷியாம் கணேஷ், ஷைலஜா செட்லூர், சோனியா போஸ் வெங்கட், ஸ்வேதா பாரதி, வெங்கட், விச்சு விஸ்வநாத், விஜய் ஆதிராஜ் உள்ளிட்ட பலரும் கலந்து கொண்டனர்.
இந்நிகழ்வில் கலந்துக் கொண்ட பிரபலங்களில் நடிகர்கள் கருப்பு நிறத்திலும், நடிகைகள் சிவப்பு நிற உடையிலும் காணப்பட்டனர்.இதன் புகைப்படங்களை நடிகை நீலிமா ராணி தனது இன்ஸ்டாகிராம் பக்கத்தில் வெளியிட்டுள்ளார். இதனைப் பார்த்த 90ஸ் கிட்ஸ் ரசிகர்கள் பலரும் பிரபலங்கள் குறித்த தனது நினைவலைகளை வெளியிட்டுள்ளது.