விஜய் ஆண்டனி நடிப்பில் 2016ம் ஆண்டு வெளியான சூப்பர் டூப்பர் ஹிட் திரைப்படம் பிச்சைக்காரன். தமிழ் மற்றும் தெலுங்கில் வெளியான இப்படத்தின் வெற்றியை தொடர்ந்து அதன் இரண்டாம் பாகமான பிச்சைக்காரன் 2 திரைப்படத்தை தானே இயக்கி, இசையமைத்து நடித்து வருகிறார் விஜய் ஆண்டனி. இந்த இரண்டாம் பாகமும் பிச்சைக்காரன் 2 மற்றும் பிச்சகாடு 2 என தமிழ் மற்றும் தெலுங்கில் இருமொழிகளில் உருவாகி வருகிறது.
வெளியானது பிச்சைக்காரன் 2 அப்டேட் :
மிகவும் விறுவிறுப்பாக நடைபெற்று வரும் பிச்சைக்காரன் 2 படத்தின் அப்டேட் ஒன்று இன்று மாலை 5 மணிக்கு வெளியாகும் என அறிவிப்பை வெளியிட்டு இருந்தார் விஜய் ஆண்டனி. அதன்படி தற்போது அந்த அறிவிப்பு வெளியாகியுள்ளது. பிச்சைக்காரன் 2 படத்தின் முதல் நான்கு நிமிட ஆரம்ப காட்சி ஸ்னீக் பீக் டிரெய்லராக நாளை மாலை 5 மணிக்கு வெளியாகும் என அறிவிப்பினை தனது ட்விட்டர் பக்கம் மூலம் வெளியிட்டுள்ளார் நடிகர் விஜய் ஆண்டனி.
விபத்தில் சிக்கிய விஜய் ஆண்டனி :
மலேசியாவில் லங்காவி தீவில் பிச்சைக்காரன் 2 படப்பிடிப்பு நடைபெற்று வந்த நிலையில், ஜனவரி 17ஆம் தேதி விஜய் ஆண்டனி எதிர்பாராத விதமாக விபத்தில் சிக்கியதாக தகவல் வெளியானது. படுகாயம் அடைந்த அவர் மருத்துவமனையில் சிகிச்சைக்காக அனுமதிக்கப்பட்டார். அதனால் சில நாட்கள் பிச்சைக்காரன் 2 படப்பிடிப்பு தற்காலிகமாக நிறுத்தப்பட்டு இருந்தது. மெல்ல மெல்ல உடல் நிலை தெரிய விஜய் ஆண்டனி தற்போது விரைவாக குணமடைந்து வருவதாக ட்விட்டர் மூலம் தெரிவித்து இருந்தார். தற்போது ஓய்வு எடுத்து வரும் விஜய் ஆண்டனி பிச்சைக்காரன் 2 படம் குறித்த அப்டேட்டை " Money is Injurious to The World - பணம் உலகை காலி பண்ணிடும்" என்ற கேப்ஷனுடன் வெளியிட்டுள்ளார். இப்படம் இந்த ஆண்டு சம்மருக்கு வெளியாகும் என்ற தகவலையும் இந்த பதிவின் மூலம் உறுதிப்படுத்தியுள்ளார்.
பிச்சைக்காரன் ரசிகர்கள் மத்தியில் நல்ல வரவேற்பை பெற்றது அதன் இரண்டாம் பாகமும் அவர்களின் வரவேற்பை பெரும் என உறுதியாக நம்புகிறார்கள் படக்குழுவினர்.