Just In
Parithabangal: ‘கமலுக்கு வந்த சோதனை’ .. பிக்பாஸ் நிகழ்ச்சியை கழுவி ஊற்றிய பரிதாபங்கள் டீம்..
பிரபல யூட்யூப் சேனலான பரிதாபங்கள் பிக்பாஸ் நிகழ்ச்சியை கிண்டல் செய்து இந்த வாரம் வீடியோ வெளியிட்டுள்ளது இணையத்தில் ட்ரெண்டாகி உள்ளது.
பிரபல யூட்யூப் சேனலான பரிதாபங்கள் பிக்பாஸ் நிகழ்ச்சியை கிண்டல் செய்து இந்த வாரம் வீடியோ வெளியிட்டுள்ளது இணையத்தில் ட்ரெண்டாகி உள்ளது.
பிக்பாஸ் நிகழ்ச்சியின் 7வது சீசன் கடந்த அக்டோபர் 1 ஆம் தேதி முதல் விஜய் டிவியில் ஒளிபரப்பாகி வருகிறது. இந்த நிகழ்ச்சியில் ஜோவிகா விஜயகுமார், வினுஷா தேவி, விஜய் வர்மா, விசித்ரா, யுகேந்திரன் வாசுதேவன், சரவண விக்ரம், ரவீனா தாஹா, மணி சந்திரா, நிக்ஸன், ஐஷூ, அனன்யா ராவ், பூர்ணிமா ரவி, மாயா கிருஷ்ணன், அக்ஷயா உதயகுமார், பிரதீப் ஆண்டனி, பவா செல்லதுரை, விஷ்ணு விஜய், கூல் சுரேஷ் உள்ளிட்டவர்கள் பங்கேற்றனர்.
தொடர்ந்து ஒரே மாதத்தில் தினேஷ், அன்னலட்சுமி, விஜே அர்ச்சனா, கானா பாலா, ஆர்.ஜே.பிராவோ ஆகிய 5 பேர் வைல்ட் கார்ட் எண்ட்ரீயாக உள்ளே நுழைந்தனர். இப்படியான நிலையில் பிக்பாஸ் நிகழ்ச்சியில் இருந்து இதுவரை வினுஷா தேவி, விஜய் வர்மா, அன்னலட்சுமி, கானா பாலா, ஆர்.ஜே.பிராவோ, யுகேந்திரன், பிரதீப் ஆண்டனி, பவா செல்லதுரை, ஐஷூ, அனன்யா ராவ் ஆகிய 10 பேர் வெளியேற்றப்பட்டுள்ளனர். இன்று (நவம்பர் 26) ஒளிபரப்பாகும் எபிசோடில் அக்ஷயா வெளியேற்றப்பட உள்ளார்.
இப்படியான நிலையில் பிரபல யூட்யூப் சேனலான பரிதாபங்கள் பிக்பாஸ் நிகழ்ச்சியை கிண்டல் செய்து இந்த வாரம் வீடியோ வெளியிட்டுள்ளது. இதில் கமல்ஹாசன், வீட்டின் போட்டியாளர்கள் சகட்டுமேனிக்கு கிண்டல் செய்யப்பட்டுள்ளனர். ”பை-பாஸ் பாவங்கள்” என டைட்டில் வைக்கப்பட்டுள்ள இந்த எபிசோடில், ‘கமல்ஹாசன் பேசுவது போல கோபி பேசி காட்டியுள்ளார். மேலும் கோவிகாவை (ஜோவிகா) பற்றி பேசினால் உங்கள் அம்மா திட்டுவார் என தான் பயப்படுகிறேன். மக்களும் அதுக்குதான் பயப்படுகிறார்கள்.
கவினா (ரவீனா), சனி (மணி சந்திரா), கோவிகா (ஜோவிகா, சரவண கிக்ரம் (சரவண விக்ரம்), பிரச்சனா (அர்ச்சனா), ஆயா (மாயா), அசித்ரா (விசித்ரா) என பிக்பாஸ் போட்டியாளர்களை சரமாரியாக விமர்சித்துள்ளனர். மேலும் பிரதீப்புக்கு ரெட் கார்டு கொடுக்கப்பட்ட கமலின் இரட்டை நிலையையும் கிண்டல் செய்துள்ளனர். அதேபோல் தன் மேல் இருக்கும் தப்பை ஒப்புக் கொள்ளாமல் இருக்கும் விசித்ரா பற்றியும் காட்சிகளை வைத்துள்ளனர். ஐஷூ விவகாரத்தில் நிக்ஸன் நடந்து கொண்டது, மாயா கேங் அர்ச்சனாவுக்குன் எதிராக நடத்திய தாக்குதலையும் கிண்டல் செய்துள்ளனர்.