மாநகரம், கைதி போன்ற படங்கள் மூலமாக கவனம் அறிமுகமான லோகேஷ் கனகராஜ் அடுத்ததாக விஜய் வைத்து மாஸ்டர் படத்தை இயக்கினார். இந்தப் படத்தில் விஜய் சேதுபதி வில்லனாக நடித்தார். இவரின் இளம் வயது கதாபாத்திரத்தில் நடிகர் மகேந்திரன் நடித்திருந்தார். ‘நாட்டாமை’படத்தில் சிறுவனாக அறிமுகமான மகேந்திரன், விஜயுடன் மின்சாரக்கண்ணா உட்பட பல படங்களில் சிறுவனாக நடித்திருப்பார்.
தொடர்ந்து, விழா படத்தில் நாயகனாக களமிறங்கிய மகேந்திரன் அதன் பின்னர் பல தயாரிப்பாளர்களிடம் நாயகனாக நடிப்பதற்கு வாய்ப்பு கேட்டு வந்தார். ஆனால் அவருக்கு முறையான வாய்ப்பு வழங்கப்படாமலே இருந்தது.
இந்த நிலையில் அவருக்கு மாஸ்டர் படத்தில் வாய்ப்பு வழங்கப்பட்டது. கிடைத்த கதாபாத்திரத்தில் மிரட்டிய மகேந்திரனுக்கு எல்லா தரப்பிலும் இருந்து பாராட்டுகள் குவிந்தன. இந்த நிலையில் அவரின் புதிய படமான ‘ரிப்பப்பரி’ படத்தின் ஃபர்ஸ்ட் லுக்கை இயக்குநர் லோகேஷ் கனகராஜ் மகேந்திரனின் பிறந்தநாளன்று வெளியிட்டார்.
இந்தப் படத்தில், பாண்டியன் ஸ்டோர்ஸ் சீரியலில் முல்லை கதாபாத்திரத்தில் நடித்து பிரபலமான காவியா அறிவுமணி இணைந்திருக்கிறார். அருண் கார்த்திக் ‘ரிப்பப்பரி’ படத்தை இயக்கியிருப்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்