அமேசான் ப்ரைம் வீடியோ ஓடிடி தளத்தில் வெளியான வெப் தொடர் பாடல் லோக்கில் நடித்த ஜெய்தீப் அஹ்லாவத்தின் சம்பளம் லட்சங்களில் இருந்து கோடிகளுக்கு உயர்ந்துள்ளது.
அமேசான் ப்ரைம் ஓடிடி தளத்தில் கடந்த 2020 ஆம் ஆண்டு வெளியான வெப் தொடர் பாடல் லோக். த்ரில்லர் ஜானரில் உருவாகியிருந்த இந்தத்தொடரில் ஜெய்தீப் அஹ்லாவத், நீரஜ் கபி, நிஹாரிகா லைரா தத், ஈஸ்வாக் சிங், குல் பனாக், மைரேம்பம் ரொனால்டோ சிங், ஸ்வஸ்திகா முகர்ஜி உள்ளிட்ட பலர் நடித்திருந்தனர். இதில் விசாரணை அதிகாரியாக வரும் ஹாதிராம் சௌத்ரி கதாபாத்திரத்தில் ஜெய்தீப் அலவத் நடித்திருந்தார். வெப் சீரிஸ் வெளியாகி மிகப் பெரிய வரவேற்பை பெற்ற நிலையில், சிரீஸின் வெற்றிக்கு ஹாதிராம் சௌத்ரி ஏற்று நடித்த கதாபாத்திரம்தான் காரணம் என பேசப்பட்டது. இந்த சீரிஸில் அவர் நடித்தற்கு சம்பளமாக 40 லட்சம் கொடுக்கப்பட்டது.
இந்த சீரிஸின் இராண்டாம் பாகம் தற்போது தயாராகி வருகிறது. முந்தைய சீசனில் கவனிக்கப்பட்ட ஜெய்தீப் அஹ்லாவத் இதில் நடிக்க ஒப்பந்தம் செய்யப்பட்டுள்ளார். அவருக்கு சம்பளமாக 20 கோடி கொடுக்கப்பட்டுள்ளது. ஒரே சீரிஸில் கிடைத்த இந்த சம்பள உயர்வால் அவர் தற்போது உச்சபட்ச மகிழ்ச்சியில் இருக்கிறாராம். முன்னதாக இவர் கமல் நடித்து இயக்கிய விஸ்வரூபம் படத்தில் சலீம் கதாபாத்திரத்தில் நடித்திருந்தது குறிப்பிடத்தக்கது. கெத்து காட்டுறீங்களே பாய்..!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்