OTT Release: லியோ படத்தால் திரையரங்குகளில் எந்த படமும் வெளியாகததால் ஓடிடி தளத்தில் போட்டி போட்டு கொண்டு திரைப்படங்கள் வெளியாகி உள்ளன.
விஜய் நடிப்பில் உருவாகியுள்ள லியோ படம் வரும் 19ம் தேதி ரிலீசாக உள்ளதை ஒட்டி, திரையரங்குகளில் மற்ற படங்கள் ரிலீசாக வில்லை. கடந்த 28ம் தேதி ஒரே நாளில் ஜெயரம் ரவி நடித்த சித்தா, ராகவா லாரன்ஸின் சந்திரமுகி2, சித்தார்த்தின் சித்தா உள்ளிட்ட படங்கள் ரிலீசாகி நல்ல வரவேற்பை பெற்றன. இந்த நிலையில் அக்டோபர் மாதம் ஸ்பெஷலாக லியோ படம் வெளியாக உள்ளதால் திரையரங்குகளில் டிக்கெட்டுகள் முன்பதிவு செய்யப்பட உள்ளன.
இந்த வாரம் திரைக்கு புதிய படங்கள் வராததால் ஓடிடி தளங்கள் போட்டிப்போட்டு கொண்டு படங்களை வெளியிட்டு வருகின்றன. அந்த வகையில் இந்த வாரத்தின் விடுமுறையை கொண்டாடும் விதமாக மார்க் ஆண்டனி, மத்தகம், தி கிரேட் இந்தியன் சூசைட் உள்ளிட்ட படங்கள் ரிலீசாக உள்ளன.
மார்க் ஆண்டனி: விஷால், எஸ்.ஜே. சூர்யா, ரித்து வர்மா உள்ளிட்ட பலர் நடித்த மார்க் ஆண்டனி படம் கடந்த 15ம் தேதி ரிலீசானது. ஆதிக் ரவிச்சந்திரன் இயக்கிய மார்க் ஆண்டனி வசூலிலும் ரூ.100 கோடியை நெருங்கியது. தமிழ், தெலுங்கு, மலையாளம், கன்னம் மற்றும் இந்தி மொழிகளில் பான் இந்தியா படமாக ரிலீசான மார்க் ஆண்டனி இன்று ஓடிடி தளமான அமேசான் பிரைமில் வெளியாக உள்ளது.
மத்தகம் 2: இதேபோல் அதர்வா, மணிகண்டன், கவுதம் மேனன், டிடி, இளவரசு ஆகியோர் நடித்த மத்தகம் வெப் சீரிஸ் நல்ல வரவேற்பை பெற்றது. அதை தொடர்ந்து இரண்டாவது சீசன் வரும் 12ம் தேதி வெளியாக உள்ளது. இது டிஸ்னி ஹாட்ஸ்டார் ஓடிடி தளத்தில் ரிலீசாகும் என தெரிவிக்கப்பட்டுள்ளது.
தி கிரேட் இந்தியன் சூசைட்: கிரைம் மற்றும் த்ரில்லர் படமான தி கிரேட் இந்தியன் சூசைட் திரைபப்டம் திரைக்கு வராமல் நேரடியாக ஓடிடி தளத்தில் வெளியாக உள்ளது. இதில், ராம் காத்திக், ஹெபா படேல் உள்ளிட்ட பலர் முக்கிய கேரக்டரில் நடித்துள்ளனர். உண்மை சம்பவத்தை அடிப்படையாக வைத்து எடுக்கப்பட்ட படம் என்பதால் எதிர்பார்ப்பு அதிகரித்துள்ளது.
காசர்கோல்ட்: நண்பர்களை மையமாக கொண்டு எடுக்கப்பட்டுள்ள மலையாள திரைப்படமான காசர்கோல்ட் இன்று நெட்ஃபிளிக்ஸ் தளத்தில் ரிலீசாக உள்ளது. இந்த படங்களின் வரிசையில் பிரேம விமான ஜீ5 தளத்திலும், தி கான்ஃபிரன்ஸ் படம் நெட்ஃபிளிக்ஸ் தளத்திலும், தி பரியல் அமேசான் பிரைமிலும், ஃபாண்டோம் சோனி லைவிலும் ரிலீசாக உள்ளது.
மேலும் படிக்க: Actress Abarnathy: சினிமாவில் என்ன 'கிழிக்க' போகிறாய்? .. நடிகை அபர்ணதியை கேள்வி கேட்டவருக்கு ஏற்பட்ட நிலைமை..!