விஜய் நடிப்பில் வரும் செப்டம்பர் 5 ஆம் தேதி வெளியாக உள்ள கோட் படத்திற்கான முன்பதிவு தொடங்கியுள்ளது. இதனால் டிக்கெட்டை முன் பதிவு செய்ய ரசிகர்கள் அலைமோதி வருகின்றனர்.
இயக்குநர் வெங்கட் பிரபு இயக்கத்தில் நடிகர் விஜய் நடிப்பில் வெளியாக உள்ள திரைப்படம் தி கோட். இப்படத்தில், நடிகர்கள் பிரசாந்த், பிரபுதேவா, அஜ்மல், யோகிபாபு, நடிகைகள் சினேகா, லைலா, மீனாட்சி சவுத்ரி உள்ளிட்ட பல நட்சத்திரங்கள் நடித்துள்ளனர். விஜய் இரட்டை வேடங்களில் நடித்துள்ளதால் படத்தின் எதிர்பார்ப்பு எக்கச்சக்கமாக எகிறியுள்ளது.
சில நாட்களுக்கு முன்பு தான் படத்தின் ட்ரைலர் வெளியாகி அப்கிளாஸை அள்ளியது. ஏற்கெனவே இப்படத்தின் மூன்று பாடல்கள் வெளியாகியுள்ள நிலையில் நாளை யுவன்சங்கர் ராஜா பிறந்த நாளை முன்னிட்டு 4வது பாடல் வெளியாக உள்ளது.
இந்நிலையில் வரும் செப்டம்பர் 5ஆம் தேதி தி கோட் படம் திரையரங்கில் வெளியாக உள்ளது. இதையொட்டி படத்தின் முன்பதிவு இன்று தொடங்கியுள்ளது. இதனால் ரசிகர்கள் ஆர்வத்துடன் முன்பதிவு செய்து வருகின்றனர்.