விக்னேஷ் சிவன் இயக்கத்தில் பிரதீப் ரங்கநாதன் நடித்துள்ள எல்.ஐ.கே திரைப்படம் வரும் ஏப்ரல் 10 ஆம் தேதி வெளியாக இருக்கிறது. ஏற்கனவே இப்படத்தில் அனிருத் இசையில் மூன்று பாடல்கள் வெளியாகியுள்ள நிலையில் நான்காவது பாடலான 'அடாவடி' பாடல் நேற்று வெளியானது. இந்த பாடலில் விக்கி நயனின் இரு மகன்களான உயிர் மற்றும் உலகு நடனமாடியுள்ளது ரசிகர்களை கவர்ந்துள்ளது
7 ஸ்கிரீன் ஸுடியோஸ் மற்றும் ரவுடி பிக்ச்சர்ஸ் இணைந்து தயாரித்துள்ள சைன்ஸ் ஃபிக்ஷன் திரைப்படம் லவ் இன்சூரன்ஸ் கம்பேனி. பிரதீப் ரங்கநாதன் நாயகனாக நடித்துள்ள இப்படத்தில் எஸ்.ஜே சூர்யா வில்லனாக நடித்துள்ளார். சிமான் பிரதீப் ரங்கநாதனின் தந்தையாக நடித்துள்ளார். கரித்தி ஷெட்டி , கெளரி கிஷன் நாயகியாக நடித்துள்ளார்கள். அனிருத் இசையமைத்துள்ளார். கடந்த ஆண்டு தீபாவளிக்கு வெளியாக இருந்த இப்படம் பல்வேறு காரணங்களால் ஒத்திவைக்கப்பட்டது. தற்போது ஏப்ரல் 10 ஆம் தேதி திரையரங்குகளில் வெளியாக இருக்கிறது. கடந்த ஆண்டு டிராகன் , டியூட் என அடுத்தடுத்து பாக்ஸ் ஆபிஸ் வெற்றிகளை கொடுத்த பிரதீப் ரங்கநாதனுக்கு இந்த ஆண்டு எல்.ஐ.கே திரைப்படம் மிகப்பெரிய வெற்றிப்படமாக அமையும் என எதிர்பார்க்கப்படுகிறது.
அடாவடி பாடலில் உயிர் உலக்
எல்.ஐ கே திரைப்படத்தில் இருந்து முதலில் தீமா பாடல் வெளியிடப்பட்டது. தொடர்ந்து பட்டுமா மற்றும் ஆக்கோ பாடல் அடுத்தடுத்து வெளியாகின. தற்போது இப்படத்தின் நான்காவது பாடலாக 'அடாவடி' பாடல் வெளியாகியுள்ளது. துள்ளலான கானா பாடலாக உருவாகிய இப்பாடலைல் அனிருத் , பிரதீப் ரங்கநாதன் மற்றும் விக்னேஷ் சிவன் இணைந்து நடனமாடியுள்ளார்கள். இவர்கள் தவிர்த்து நயன்தாரா விக்னேஷ் சிவனின் இரு மகன்களான உயிர் மற்றும் உலக் இந்த பாடலில் நடனமாடி ரசிகர்களை கவர்ந்துள்ளார்கள்.