திருமணமாகி ஒரு மாதம் முடிந்த நிலையில், அதைக்கொண்டாடும் விதமாக இயக்குநர் விக்னேஷ் சிவன் நிகழ்வில் கலந்து கொண்ட பிரபலங்களின் புகைப்படங்களை வெளியிட்டு வருகிறார்.
தமிழ் சினிமாவில் நட்சத்திர காதல் ஜோடிகளாக வலம் வந்த நடிகை நயன்தாரா, விக்னேஷ்சிவன் திருமணம் கடந்த மாதம் மாமல்லபுரத்தில் வெகுவிமரிசையாக நடைபெற்றது. இந்த திருமணத்தில் குடும்பத்தினர்கள், நெருங்கிய நண்பர்கள், முக்கிய பிரபலங்கள் மட்டுமே பங்கேற்றனர்.
முதலில் இந்த திருமணம் திருப்பதியில் நடைபெறும் என கூறப்பட்ட நிலையில் பயண தூரம், விஐபி பாதுகாப்பு போன்ற காரணங்களால் தேவஸ்தானம் அனுமதி மறுப்பு உள்ளிட்ட காரணங்களால் பின் மாமல்லபுரத்துக்கு மாற்றப்பட்டது. பிரம்மாண்டமாக நடைபெற்ற இந்த திருமணத்தில், ரஜினிகாந்த், ஷாருக்கான், விஜய்சேதுபதி, சூர்யா உள்ளிட்ட பல திரைநட்சத்திரங்கள் பங்கேற்றனர்.
முன்னதாக திருமணமத்தில் ரஜினிகாந்த், ஷாருக்கான் உள்ளிட்டோர் கலந்து கொண்ட புகைப்படங்களை பதிவிட்ட விக்னேஷ் சிவன் தற்போது, சூர்யா மற்றும் அவரது மனைவி ஜோதிகா, விஜய்சேதிபதி மற்றும் அவரது மனைவி உள்ளிட்டோர் கலந்து கொண்டு வாழ்த்திய புகைப்படங்களை வெளியிட்டு இருக்கிறார்.
திருமணம் முடிந்த கையோடு இந்த ஜோடி திருப்பதி சென்று நேற்று சாமி தரிசனம் செய்தனர். தொடர்ந்து இருவரும் ஹனிமூனுக்காக தாய்லாந்திற்கு சென்றனர். அங்கு அவர்கள் எடுத்துக்கொண்ட புகைப்படங்களை விக்னேஷ் சிவன் தொடர்ந்து வெளியிட்டு வந்தார். அப்படியே தாய்லாந்தில் இருந்து கிளம்பிவிட்டோம் எனவும் வீடியோ வெளியிட்டு இருந்தார்.